نقد إبراهيم عيسى في حلقة اليوم من “من الميدان” 9 مايو 2011
وتعليقاً على احداث امبابة
أشاهد الآن حلقة “في الميدان” وقدر ما أوافقك في أمور كثيرة واحييك بصدق قدر ما استفزني تحامل غير مهني وغير مبرر على السلفيين
لو ناس ليها غرض عمالة تردد كلام فاضي وبتشيطن السلفيين هاتفين “السلفيون السلفيون هم العدو فاحذرهم” حنتفهم هذا الشيء..
لكن إيه غرض حضرتك؟ ركوب الموجه؟ أم شيء في نفسك لا يعلمه إلا الله وأنت؟ مجرد تساؤل
ليس متوقع هذا منك يا استاذ إبراهيم..انت واعي ومثقف وتعرف جيداً ان الموضوع كان بين كنيسة مارمينا ومسلمي المنطقة
لان السلفيين مالهومش زرار أوتوماتيك أول ما نتك عليه نلاقي 2000 سلفي في موقع الحدث مباشرة…لسة ماعملوش الخاصية دي
كمان لما واحد زي حضرتك لك تواجدك وحضورك يجزم يصرح أن السلفيين حرقوا الكنيسة وانت عارف ان الناس دي أهل علم ومسالمين لأقصى الدرجات، وكانوا بيتفرموا في أمن الدولة، وزي ما انت قلت في الحلقة اللى شغالة حتى الآن ان مافيش واحد فيهم رفع صباعه معترضا لما اتقتل الشهيد سيد بلال..
هل من المعقول ان السلفيين حيهجموا على كنيسة كدة فجأة ويحرقوها بدون أي سبب؟
وحضرتك ليه متأكد قوي في برنامجك إن “السلفيين” هم اللى حرقوها!!!
إيه دليلك؟ وهل السلفيين مرة حرقوا كنيسة أو اقتحموها قبل كدة؟ هل يأمرهم إيمنهم بذلك؟
غير هذا وذاك وأهم من هذا وذاك…
زمايلك “المهنيين” عملوا لقاءات مع الشهود في شارع الوحدة وقالوا ان من حرقوا الكنيسة كانوا حوالى 150 “شاب صغير” من سن 15 حتي 18، اقتحموا الشارع فجأة بموتوسيكلات، ولا واحد فيهم كان ملتحي، ومعاهم سنج ومطاوي وأسلحة، وبدأوا في إطلاق نار كثيف جدا، وتوجهوا للكنيسة مباشرةً واتشعبطوا في الشجر وتوغلوا وانتشروا بسرعة وحرقوها ثم اختفوا….
هي الأوصاف دي مش بتذكر حضرتك بفئة كدة كنا بنسمع عنها زمان في الحواديت اسمها “البلطجية”؟
بس طبعا هم اختفوا تماما من الحياة المصرية الآن…سمعت عنهم قبل كدة؟
احنا كنا فاكرين حضرتك من الخبراء القدامى في البلطجية وأساليبهم بسبب خبراتك مع النظام القديم
وبحصافتك السياسية المعروفة وانتصارك دوما للحق…هل تعتقد أن مثل هؤلاء هم السلفيين الذين شغلهم الشاغل هو العمل والصلاة في الجامع وموعد الدرس الديني؟
ما زاد الطين بلة هو ان بحصافة حضرتك أيضاً يجب أن تتوجس وتشك حينما يقال أن من فتحت عليهم النار واطلق عليهم المولتوف أمام كنيسة مارمينا وماتوا وجرحوا بالعشرات هم أنفسهم أدانوا أنفسهم وحولوا أنفسهم فجأة من الضحية إلى الجاني
فذهبوا إلى كنيسة اخرى ليس لها أي علاقة بالكنيسة موضع الحدث ومارسوا الإرهاب هناك
فتتحول الأنظار بقدرة قادر من إدانة إطلاق النار من داخل وخارج الكنائس إلى السلفيين الوحشين خالص
ثم رأيت تناقضك في قمة تألقه حين بدأت برنامجك بالتهكم على دور الشيخ حسان وصفوت حجازي في نزع فتيل الفتنة في صول وتهدئة الأوضاع…
مستنكرا أن تترك لهم الحكومة هذا الدور “وكأن الإصلاح بين الناس في نظرك حكر على الحكومات أما المواطنين فلا يجوز لهم الإصلاح في مقاييس إبراهيم عيسى العجيبة”
ثم أتيت في أخر برنامجك بد. عمرو حمزاوي -والحوار مازال مستمر إلى الآن- وبدأت حوارك معه كالأتي….
(انت كنت نشيط جدا في أحداث صول وفضلت هناك كتير وقعدت مع الناس
والان انت توجهت فورا لإمبابة وقعدت هناك أربع ساعات ولسة جاي فانت مابين صول وإمبابة)
يا ريت تاخد بال حضرتك من كفتين ميزان حضرتك ومن تصريحات حضرتك
هو حضرتك كنت متضايق لآن الشيخ حسان حل محل الحكومة ولا لأنه هو اللى قدر يحل المشكلة مش عمرو حمزاوي؟
sunnyoasis @live.com
بر عاجل للسلفيين اختطاف مائة فتاة كانت يهودية واشهروا اسلامهم وقام اليهود بخطفهم واسرهم فى معبد شرق تل ابيب وعلية ادعوا السلفيين ان ينصروا اخواتكم المئسورات وتحريرهم ونصرتهم حتى ينصركم الله دة لو انتوا رجالة يا شوية صيع وانتوا وراجعين ابقوا حرروا الاقصى يا اولاد امهاتكم يا صيع
عيب عليك يابراهيم عيسى تعمل كدة لان دة اسلوب قزر وأنت عارف أن السلفية عمرهم مايعملو كدة دول يا أخى فى عز الثورة كانو بيحمو الكنائس هيولعوها دلوئتى ولا أنت عارف أنهم شعبيتهم كبيرة وخايف ليكسبو فى الانتخابات فبدئت أنت وأخوانك الاعلامين العلمنيين تشوهه فى السلفيين وأى حاجة تحصل تلذؤها فى السلفيين عيب ولا أنتا كنت بتعمل أنك بتافع عن الحق أيام النظام الفاسد علشان تأخذ منصب سياسى عيب عليك هوا من العدل لما دكتور يخطء فى مستشفى يتهم كل الدكترة ولا لما صحفى يخطء فى جريدة يتهم كل الصحفيين حسبى الله ونعما الوكيل
dيعنى هو لما كمليا شحاتة تأسلم المسيحيين يقولو أنها أتخطفيت ويعملو مظاهرات ويضغطو على الحكومة علاشان يسلموها ليهم ويروح أمن الدولة يأخذها بلعفية ويسلمها للكنيسة هى دى الدمقراطية ولما يحب المسلمين يخرجوها وراحو للطرق القانونية والحكومة رفضيت أولى يعملو أية يسبو الكنيسة تعذب فى وحدة أسلمت علشان ميعملوش فتنة وللاسف الاعلام القزر عمرة مهينضف هيفضل يعتم غلى الحقيقة بدعوا انهم ميعملوش فتنة هى الحقيقة بقت فتنة أشمعنا المسلمين لما حد بيتنصر مبيعملوش كدة والراجل السلفى ألى طلع وهدد بحرق الكنيسة هوا دة غلط لكن الراجل عمل كدة لما لا الظلم واضح ومحدش عايز يعمل حاجة وفى الاخر كل الى بيحصل من تشوية للسلفية بسبب الانتخابات القادمة لان الاستاذ ابراهيم عيسى عارف أن السلفية ليها حب كبير لدى الشعب المصرى فهوا عيز يشوة السلفية علشان محدش ينتخبهم ودى لعبة قزرة
لقد اصاب الناس شئ من العته حين يتكلموا عن الدين ونسوا ان ازهي فترات عاشها العالم عندما كان يحكم بما انزلة اللة نفسي كل واحد قبل ما يتكلم يذهب الي المقابر ليلا حتي يسأل نفسة من يرحمة في ذلك المكان قول الزور ام قول الحق طلب الدنيا أم طلب الأخرة
حسبى الله ونعم الوكيل فيك يا ابراهيم عيسى اتقى الله و اعلم انك هتتحاسب على كل كلمة تقولها يوم القيامة
الى الاخ أيمن ..هو كل واحد بيحارب فكر متخلف يبقى بيحارب الإسلام ..أهو دا تفكير يدل على قصور منك فى الرؤية ……..هو لما يكون فيه واحد بلحية وبيتكلم بإسم الدين والإسلام ..زى الشيخ الزغبى ويطلع وسط الناس يقسم بالله 3 مرات انه الكنيسة لو ما سلمتشى كاميليا ..حيقتحموا الأديرة بالقوة ..ثم تهليل وتكبير …….؟؟؟؟هل هذا هو الإسلام ..لا يا سيد ..أنه لا يخدم الدين بل هو يسىء بشكل مقرف الى صورة المسلمين ..المسلم لا يحاصر الكنائس ويهدد ويتوعد المسيحيين ..المسلم الحق يقى نفسه وبلده شر الفتنة …الإسلام الحقيقى أن تشغل فكرك وعقلك لا تنقاد الى كل صاحب قول ..تبين الحق ..واعلم انك فى مرحلة حرجة ..لا تحتمل الآن مطالب واثارة النعرات الدينية والطائفية ..اذا كان سينا عثمان بن عفان عندنا حدثت الفتنة بين المسلمين وبعضهم وكان منهم فريق اراد الدخول على سيدنا عثمان والاقتصاص منه ولما رأى انه ستحدث مذبحة بين الفريقين بسببه أمر الفريق الذى يناصره بالرجوع وعدم التصدى للفريق الآخر وقال ..لا أريد اراقة دماء أى منكم هنا ..فجلس يقرأ القرآن ودخل عليه الفريق الذى يستعديه وأنزل السيف عليه ليقتصوا منه فمات فى الحال …كل هذا كى يقى قومه شر القتنة …نقوم احنا اللى نروح للفتنة برجلينا ……….ابراهيم عيسى عنده حق كل الحق لأن اى مسلم يسيىء الى صورة الاسلام الكريم يستحق التوبيخ والقصاص ..والاسلام برىء منه ………وكفاكم بقى نظرية القطيع الذين يسيرون بدون تفكير لمجرد أن قائدهم رجل بلحية طويلة .
وهو شيخ السلفيين بإمبابة لما طلع وقال للسلفيين انها فتنة و.و..و كان بيكلم نفسه يعنى ..هو اعترف انه كان بيخاطب السلفيين …والمفروض ومن الحكمة حتى لو ماكانشى السلفيين حرقوها ..فهما كارت محروق بالنسبة للكنيسة لن لهم خبرات سيئة .مش دول اللى بقالهم كذا يوم بيحاصروا الكنائس وييهددوا ويتوعدوا ….لو انتوا المعلقين اللى بتقولوه دا صحيح اللى اللى خلى السلفيين يروحوا ناحية الكنيسة وهما عارفين ان وضعهم حساس جد جدا جدا ….وعارفين لو هما ابرياء اوى كده ..ان لو فيه مصيبة حصلت حيتهموهم بيها ..طيب ايــه بقى اللى وداهم للكنيــسة ..أجيبونى يا ناس يا عاقلة ؟؟؟؟؟؟؟
انا مع هذا الراي الموضوع اكبر من السلفين بلاش نرمي الاتهامات بدون دلائل حتى لاياتي عصر الظلم مره اخرى خلينا في موضوعنا المحاكمه للصوص الا قصدوا فعل هذه الامر لتحويل النظر عن معاقبتهم ابوس على رجل كل واحد في مصر تعلمنا ان الدين لله والوطن للجميع ايام الثورة كنا لاننام من الخوف على الجميعمن هذا النظام الغاشم والله على المسيحي قبل المسلم الاكان بيقف يصد في ميدان التحرير امام رشاشات المياه لصدها عن الامام اثناء الصلاة حرام يا جماعه الكل هنا بالسعوديه بيشهد بعقلنا وبحبنا لبلادنا حرام عليكم ربنا وقف معنا ليه ليه نقف ضد انفسنا مايعرفش قيمة مصر غير البعيد عنها نفسي اربي اولادي في وسط اهلي المسلمين واصدقائي واهل بلدي المسحيين نفسي انزل اجازة وخايفة من الابيحدث حرام حرام عليكم دم الشهداء لاتضيعوا هدر ما ضحكوش الناس علينا عبير محمد صديقة واخت جورجت ومينا الا تربيت في وسط واعرف انهم اخواتي والله واغلى منهم
انوقع دة من محمود سعد لكن ابراهيم عيسى لا كنت احبك جدا لمواقفك الجميلة ضد الفسادانا من متابيعبك لكن لا حرب على الاسلام لاوما تقولوة لا يزيدنا الا ايمانا
لك الله يامصر؟؟؟؟؟؟؟؟؟؟؟؟؟؟؟؟؟؟؟؟؟؟