لنبدأ بالعمل في مصر مع محاكمة الفاسدين

انا مع اللي بيقول خلينا نبني مصر من جديد نساعد علي استرجاع اقتصادها وانتاجها ونسيب العدالة تاخد مجراها في محاكمة الفاسدين ، بس مش مع اللي بيقولو أن مبارك عمل حاجة للبلد لا اينعم عيشنا في سلام 30 سنة بس عيشنا قصاد السلام في ذل وفقر وهوان واستعباد وبيقولو عيشنا في سلام ايه معني انه يعيشنا في سلام ومستعبدناوذللنا ايه معني السلام واحنا عيشين في بلدنا مذلولين فين السلام اللي بيقولو عليه وفي ناس مننا بينامو من غير اكل ايه معناه ويقولو حسني رجل الحرب والسلام لا انا اعترض علي هذا.
وبعدين الثورة اول ما قامت الناس والقنوات الفضائية فضلت تقول ان الشباب اللي فضلو في ميدان التحرير غلط وفي الاخر طلعو هما الصح وهما الخلعو الريس السابق اللي لو كان فضل يوم زيادة كانا ملقناش بلدنا مكناش لقينا مصر تاني ، كل اللي يتكلم دلوقتي يقول دي الثورة اجت بالتدمير والخراب والقتل والعنف ،وبصو للجانب السلبي للثورة ومبصوش للجانب الجيد بصو للبلطجية للي دايرين دلوقتي في البلد يقتلو يخطفوا ويخربو ،انا معاكو اينعم احنا نعيش ايام واحداث الله العالم بها وماساه لم نعيشها قط ولكن الجانب السلبي هذا مدة سوف تزول عند اختيار الرئيس الجديد الجيد واستكمال الرابط الشعبي الذي سوف ينهض بالاقتصاد ولانتاج لمصر ولكن إن نظروا الي الجانب الجيد لهذه الثورة سيجدون انها ستحقق لهم مستقبل مريح بدون اي شغب او قتل او ارهاب ، بدون ظلم واستعباد وذل ،بدون سرقة ونهب ،ولهذا لن تنجح هذه الثورة حتي نكتتف جميعا معا لنعدل اقتصاد هذا البلد وانتاجة ،مفيهاش حاجة لما نستحمل الجانب السلبي حتي نصل الي الجيد الذي سيبني مستقبل افضل لمصر ، لازم نخلي العالم كلة يعرف اننا نقدر نرجع البلد ده زي الاول واحسن واننا نقدر نعمل اي حاجة في سبيل هذه البلد ولازم نرجع حق الشهداء بتنفيذ احلامهم وعلو مصر .
وعلشان كدة قولو يا رب هو اللي بيفرج الهم والضيق
((اللهم فرج همنا وارفع كربنا ويسر لنا اومورنا وبارك لنا في شبابنا وهدهم لهذه البلد  ، واحم مصر وشعبها من الاعداء والخائنين وانتقم من المفترين الظالمين ولاتضيع عمل الذين اشتشهدو من اجل هذه البلد إنك لا تضيع اجر من احسن عملا))قولو آميــــــــــــــن.

اقرأ ايضاً صفحات رأي متعلقة على جريدة احداث اليوم:

• ألمخرج ألوحيد للخروج من آثار نظام مبارك
• لو متضايق انزل ميدان التحرير
• فضائيات.. تخريب الوطن ونفاق للثورة
• هوجة ميدان التحرير
• بلطجية التحرير وجرذان القذافي وجراثيم بشار