أوجه تشابه بين اليساريين والإسلاميين (وتقدر تقول كل الأيديولوجيين والدوجماتيين):
1- الإسلامي بيظنك مش عايز حكمه علشان عايز تنغمس في الشهوات، واليساري بيظنك مش عايز حكمه علشان عايز تستغل الكادحين ولا تأبه لمعاناة البشر.
2- الإسلامي كثير الاقتباس من أشخاص ماتوا وهلكوا، واليساري كثير الاقتباس من ناس ماتوا وهلكوا.
3- الاتنين بيعدوك بيوتبيا ما حصلتش هتحل كل مشاكل الواقع المعاش، والاتنين لما جربنا كلامهم عشنا في جحيم.
4- الاتنين هتسمع منهم العيب في التطبيق مش العيب في النظرية. وإن التجربة حادت عن الإسلام\الماركسية الحقة!
5- الاتنين في الغالب هيشتموك لما تختلف معاهم.
6- اليساري بيحط صورة جيفارا، والإسلامي بيحط صورة خطاب أو بن لادن.
7- شيخ الإسلام بن تيمية والرفيق لينين.
8- الاتنين بيشتموا في الواقع الحالي، والاتنين عايشين على خير الواقع الحالي (داعية الفضائيات، ومناضل ال iPhone).
9- اليساري يقولك السويد تجربة يسارية ناجحة! والإسلامي يقولك تركيا تجربة إسلامية ناجحة!
10- الاتنين عاملين زي الأميبا. لو جبنت إسلامي واحد هينقسم على نفسه ويطلعلك واحد سلفي جهادي وواحد سلفي علمي. ولو جبت ماركسي واحد هيتقسلك اتنين واحد ماوي وواحد تروتسكاوي!
ملحوظة: ده مش نقد منهجي ولا كلام موجه للنخبة، ده كلام بسيط موجه لحزب الكنبة. مجهود دعائي!
الاسلاميون هم اكثر الناس التزاما بالديمقراطيه عكسكم يا علمانيين فانتم تجعلون الديمقراطيه الها وعندما تجوعوا تاكلونها فلا مبادئ لكم وانتم حاربتم تجربة نجاح الاسلامين خوفا من كشف فشلكم وفضحكم وتتشدقون بكلام عن الحريات ولم تحركوا ساكنا عندما عادت الاعتقالات و غلق قنوات فضائيه وذلك لم يحدث فى عصر مرسى الذى تعمدتم افشاله بالاتفاق مع رموز النظام السابق البائد