مؤمن المحمدي

احداث مصر

الكونجرس باع الإخوان

عارف حضرتك العيل السيس
اللي يتعرف على لواء شرطة ولا جيش في مصلحة ما

قوم يتخيل نفسه صاحب الباشا
إكمنه يعني بيديه رنات، وبيقصده في خدمات، وبيظبط له المسائل

الواد تاخده الجلالة، فيتنطط على صحابه ف الحتة
شوية ويصدق نفسه
فتلاقيه ماشي بطبنجة في المنطلون من ورا
وحتة حشيش دافسها ف الشراب

تيجي لجنة
يتفتش
الظابط يقول له اطلع ع البوكس

يقول له: إنت مش إنت بتكلم مين؟ وإيده ع النوبايل

أهو العيل ده غبي
لأنه مش فاهم طبيعة وحدود علاقته بالباشا

الحاجات دي يا ابني ليها أصول
مش معنى إن سيادة اللوا قصدك ف عركة، ولا ف توصيلة، ولا ف تخليص حق
إنه هيشيلك

عادي يعني ممكن يبيعك علشان منظره ف المودرية ولا شكله ف الكتيبة مع الكيادات

لو اتصلت بيه ف لحظة زي، هيقفل السكة ف وش أمك، ويقول لك: ما تتصلش هنا تاني يا حيوان

مش بعيد يكلم الضابط اللي قفشك، ويقول له: اتوصى بيه، ده واد ابن كلب حرامي.

عرفت ليه الكونجرس باع الإخوان؟

اقرأ ايضاً صفحات رأي متعلقة على جريدة احداث اليوم:

اضيف بتاريخ: Saturday, July 6th, 2013 في 15:07

كلمات جريدة احداث: ,

ردود to “الكونجرس باع الإخوان”

  1. عرب الصحراء الغربية
    10/07/2013 at 06:57

    ربنا ينصر مرسى يارب

اترك تعليقاًً على هذا الرأي