نجلاء الباز

احداث مصر

ﺇﻟﻰ ﺍﻟﻘﺎﺑﻌﻴﻦ ﺧﻠﻒ ﻣﺼﻨﻊ ﺍﻟﻜﺮﺍﺳﻲ ﺍﻻﻣﺮﻳﻜﻲ

ﺇﻟﻰ ﺍﻟﻘﺎﺑﻌﻴﻦ ﺧﻠﻒ ﻣﺼﻨﻊ ﺍﻟﻜﺮﺍﺳﻲ ﺍﻻﻣﺮﻳﻜﻲ.. ﺑﺼﻮﺍ ﻳﺎ ﺷﻮﻳﺔ ﺧﻮﺍﺟﺎﺕ، ﺍﻟﻠﻲ ﻣﻨﻜﻢ ﻓﺎﻛﺮ ﺍﻧﻪ ﻋﺸﺎﻥ ﻣﺴﻚ ﺷﻬﺎﺩﺓ ﻭﺑﻴﺮﻃﻦ ﺑﺎﻟﻠﻐﺎﺕ ﻫﻴﺮﺗﺴﻢ ﻋﻠﻴﻨﺎ ﻭﻳﻔﻬﻤﻨﺎ ﺍﻳﻪ ﻫﻲ ﺍﻟﺪﻳﻤﻘﺮﺍﻃﻴﺔ ﻳﺒﻘﻰ ﺩﺍء ﺍﻟﻐﺒﺎﻭﺓ ﺍﺗﻤﻜﻦ ﻣﻨﻪ ﻭﻣﻦ ﺍﻟﻠﻲ ﺟﺎﺑﻮﻩ. ﻻ ﻫﺘﺰﺍﻳﺪﻭﺍ ﻋﻠﻰ ﺍﻟﻨﺎﺱ ﺍﻟﻠﻲ ﻓﻲ ﺍﻟﺸﺎﺭﻉ ﺍﻟﻠﻲ ﺑﺘﻀﺤﻲ ﺑﻨﻔﺴﻬﺎ ﻋﺸﺎﻥ ﺣﺮﻳﺘﻬﺎ ﻭﻻ ﻫﺘﺰﺍﻳﺪﻭﺍ ﻋﻠﻰ ﻛﻞ ﻣﺼﺮﻱ ﺷﺮﻳﻒ ﻣﺴﺘﻤﻮﺕ ﻋﺸﺎﻥ ﺣﻴﺎﺓ ﻛﺮﻳﻤﺔ ﻭﺣﻘﻪ ﻓﻲ ﻭﻃﻨﻪ. ﺍﻧﺘﻮ ﻛﻠﻜﻢ ﻛﺪﺓ ﻓﻲ ﺍﻵﺧﺮ ﺷﻮﻳﺔ ﻣﺮﺗﺰﻗﺔ ﺍﻧﻄﺎﻉ. ﻭﺍﻧﺘﻮ ﻓﺎﻫﻤﻴﻦ ﻭﺍﻧﺎ ﻓﺎﻫﻤﺔ. ﻣﺎ ﺍﻧﺎ ﺍﺻﻠﻲ ﻣﻦ ﺍﻟﻨﺎﺱ ﺍﻟﻠﻲ ﺍﻣﺮﻳﻜﺎ ﺣﺎﻭﻟﺖ ﺗﻘﻠﺒﻬﺎ ﻣﺴﺦ ﺯﻳﻜﻢ ﻛﺪﺓ ﻭﺷﻮﻓﺖ ﺍﺷﻜﺎﻟﻜﻢ ﺩﻱ ﺑﺘﺘﻌﻤﻞ ﺍﺯﺍﻱ. ﻟﻮ ﺍﻟﺪﻳﻤﻘﺮﺍﻃﻴﺔ ﺻﻨﺪﻭﻕ ﻗﻮﻝ ﻟﻠﻨﺎﺱ ﺣﻜﻮﻣﺔ ﺣﻤﺎﺱ ﺍﻟﻤﻨﺘﺨﺒﺔ ﻣﺶ ﻣﻌﺘﺮﻑ ﺑﻴﻬﺎ ﻟﻴﻪ. ﻟﻮ ﺍﻟﻤﻨﺘﺨﺐ ﻻﺯﻡ ﻳﻜﻤﻞ ﻣﺪﺗﻪ ﻗﻮﻝ ﻟﻠﻨﺎﺱ ﻓﻴﻪ ﺭﺅﺳﺎء ﻓﻲ ﺍﻟﻌﺎﻟﻢ ﻛﻠﻪ ﻣﺎ ﻛﻤﻠﻮﺵ ﻣﺪﺗﻬﻢ ﻟﻴﻪ؟ ﺍﺣﻨﺎ ﻗﻮﻟﻨﺎ ﻧﻌﻤﻞ ﺍﻧﺘﺨﺎﺑﺎﺕ ﻣﺒﻜﺮﺓ ﻭﻫﻮ ﺭﻓﺾ. ﻗﻮﻟﻨﺎ ﺗﻮﺍﻓﻖ ﻭﻫﻮ ﺭﻓﺾ. ﻭﺍﻟﻤﻮﺍﺛﻴﻖ ﺍﻟﺪﻭﻟﻴﺔ ﻛﻠﻬﺎ ﺑﺘﺪﻳﻨﺎ ﺍﻟﺤﻖ ﺍﻧﻨﺎ ﻧﻘﻮﻟﻪ ﻃﺐ ﻏﻮﺭ ﻓﻲ ﺳﺘﻴﻦ ﺩﺍﻫﻴﺔ. ﺩﺍ ﻏﻴﺮ ﺍﻥ ﺍﻣﺮﻳﻜﺎ ﺑﺘﺎﻋﺘﻚ ﻫﻲ ﺍﻟﻠﻲ ﻗﺎﻟﺖ ﻻ ﺣﺮﻳﺔ ﻻﻋﺪﺍء ﺍﻟﺤﺮﻳﺔ ﻭﻻ ﺩﻳﻤﻘﺮﺍﻃﻴﺔ ﻻﻋﺪﺍء ﺍﻟﺪﻳﻤﻘﺮﺍﻃﻴﺔ. ﻟﻤﺎ ﻳﺒﻘﻰ ﻳﺤﻜﻤﻬﻢ ﺍﺭﻫﺎﺑﻲ ﻧﺒﻘﻰ ﻧﺘﻔﺮﺝ ﻫﻴﻌﻤﻠﻮﺍ ﺍﻳﻪ. ﻭﻟﻤﺎ ﺗﺒﻘﻰ ﺗﻔﺘﺢ ﻗﻨﻮﺍﺕ ﺗﻜﻔﻴﺮ ﻋﻨﺪﻫﻢ ﺑﺘﻮﻉ ﺍﻟﻜﺎﺑﻞ ﺩﻭﻝ ﺍﻟﻠﻲ ﻏﺮﻗﺎﻧﻴﻦ ﻓﻲ ﻣﺤﻠﻴﺘﻬﻢ ﻧﺒﻘﻰ ﻧﺸﻮﻑ. ﺩﺍ ﻟﻮ ﻓﺘﺤﻮﺍ ﻗﻨﺎﺓ ﺍﺻﻼ ﺍﻭ ﻋﻤﻠﻮﺍ ﺣﺰﺏ ﻓﻲ ﺍﻣﺮﻳﻜﺎ ﺍﻟﺪﻳﻤﻘﺮﺍﻃﻴﺔ ﺑﺎﻷﻭﻱ. ﺍﻧﺎ ﻫﺎﺷﺠﻊ ﺟﺪﺍ ﻗﻨﺎﺓ ﺍﻣﺮﻳﻜﻴﺔ ﻟﺘﻨﻈﻴﻢ ﺍﻟﻘﺎﻋﺪﺓ ﺗﻌﺮﺽ ﻭﺟﻬﺔ ﻧﻈﺮﻫﻢ. ﻣﺶ ﻣﻤﻜﻦ ﺍﻟﻨﺎﺱ ﻫﻨﺎﻙ ﺗﻘﺘﻨﻊ ﺍﻧﻬﻢ ﻣﻌﺬﻭﺭﻳﻦ؟ ﻣﺶ ﻣﻤﻜﻦ ﻳﻜﺘﺸﻔﻮﺍ ﺍﻥ ﺑﻦ ﻻﺩﻥ ﺷﻬﻴﺪ ﻭﺿﺤﻴﺔ ﺧﺼﻮﺻﺎ ﻟﻤﺎ ﻳﻌﺮﻓﻮﺍ ﺍﻥ ﺣﻜﻮﻣﺘﻬﻢ ﻫﻲ ﺍﻟﻠﻲ ﻛﺎﻧﺖ ﺑﺘﻤﻮﻟﻪ؟ ﻭﺑﺎﻟﻨﺴﺒﺔ ﺑﻘﻰ ﻟﺠﻮﺍﻧﺘﺎﻧﻤﻮ ﻭﺍﺑﻮ ﻏﺮﻳﺐ، ﻋﺎﻳﺰﻳﻦ ﻧﻌﺮﺽ ﻓﻲ ﺍﻟﻘﻨﺎﺓ ﺑﺮﺿﻪ ﺍﻓﻼﻡ ﺗﺴﺠﻴﻠﻴﺔ ﻋﻦ ﺍﻟﻌﺪﺍﻟﺔ ﺍﻟﻘﻀﺎﺋﻴﺔ ﺍﻟﻠﻲ ﻛﺎﻧﺖ ﺑﺘﺎﺧﺪ ﻣﺠﺮﺍﻫﺎ ﻣﻊ ﺍﻟﻤﺴﺎﺟﻴﻦ ﻫﻨﺎﻙ ﻭﺍﺯﺍﻱ ﺍﻟﺴﺠﻮﻥ ﺩﻱ ﻛﺎﻧﺖ ﻣﺜﺎﻝ ﻟﻤﺮﺍﻋﺎﺓ ﺣﻘﻮﻕ ﺍﻻﻧﺴﺎﻥ. ﻋﺎﻳﺰﻳﻦ ﻧﺸﻮﻑ ﻣﻨﺎﺭﺓ ﺍﻟﺪﻳﻤﻘﺮﺍﻃﻴﺔ ﻓﻲ ﺍﻟﻌﺎﻟﻢ ﺑﺘﺪﻱ ﻧﻤﻮﺫﺝ ﺷﻜﻠﻪ ﺇﻳﻪ. ﻋﺸﺎﻥ ﻧﺘﻌﻠﻢ ﺣﺘﻰ. ﻭﻻ ﺍﺣﻨﺎ ﺍﻟﻤﻔﺮﻭﺽ ﻧﻐﻠﺐ ﺍﻣﺮﻳﻜﺎ ﻓﻲ ﺩﻳﻤﻘﺮﺍﻃﻴﺘﻨﺎ ﻭﺍﺣﻨﺎ ﻟﺴﺔ ﻓﻲ ﺳﻨﺔ ﺍﻭﻟﻰ ﻭﻋﻨﺪﻧﺎ ﺩﺳﺘﻮﺭ ﺗﻮﺭﺍ ﺑﻮﺭﺍ؟
ﻣﺒﺮﻭﻡ ﻋﻠﻰ ﻣﺒﺮﻭﻡ ﻣﺎ ﻳﻠﻔﺶ ﻳﺎ ﺣﻴﻠﺘﻬﺎ. ﺑﺲ ﺍﻧﺎ ﻣﺒﺴﻮﻃﺔ ﺑﻤﻜﺎﻧﻚ ﻭﺭﺍ ﻣﺼﻨﻊ ﺍﻟﻜﺮﺍﺳﻲ.. ﺧﻠﻲ ﺍﻟﻨﺎﺱ ﺗﺸﻮﻓﻚ ﻛﻮﻳﺲ، ﻋﺸﺎﻥ ﻣﻔﻴﺶ ﺟﺮﺑﻮﻉ ﺑﺒﺪﻟﺔ ﻳﻀﺤﻚ ﻋﻠﻴﻬﻢ ﺑﻌﺪ ﻛﺪﺓ.

اقرأ ايضاً صفحات رأي متعلقة على جريدة احداث اليوم:

اضيف بتاريخ: Saturday, July 6th, 2013 في 14:12

كلمات جريدة احداث: ,

اترك تعليقاًً على هذا الرأي