أشـرف صقـر

احداث مصر

خـسـارة فـيـكـوا

يافـشلانين ياجهلانيـن ياأغـبيـاء , يا إللى إنتـوا شاطـرين فى العـداوة والعـداء , يافـنجرية بالكـلام , ياكـسلانيـن ياشحـاتيـن , ياإللى إنتـوا عامليـن مؤمنين وتجهـلـوا لأى ديـن , ياعالكراسى مسعـورين , عاملينلى فـيها مُـثقـفـيـن , العـلم فـين , العـلم كان , دا كان زمان , الفـكر فـين , فـين النظـر وللأمـام , ياإللى عـلى عـنيكم غـمام , صابكـم عـمى ردوا وقـولـوا جـرى لكـم إيه , بصـوا حـواليكـم وشـوفـوا إنتـوا إيه , مـش مكسـوفـيـن , النخـوة فـيـن , فـيـن الإنتماء , إخلاصكـوا فـيـن , ياغـيلان بتاكـل بعـضها , نـَفسى ومن بعـدى الطـوفـان , مش دا إللى صـار , فـيـن الكـبـار , يمكن ومـنكـم قـرفـانيـن , يانـدابيـن يا رداحيـن يامـولـوليـن , فـاضـل لكـم لـطـم الخـدود وتقـلـدوا جهـل الحـريـم , بلياتشـوهـات وأرجـوزات يتنططـوا وفى الشاشات , القـدوة فـيـن , قـرداتى , قـرد , خلاص بقـت لغـة الكـلام , فـيـن الإحتـرام , فـيـن الأدب , فـيـن الـوقـار , الحكـمة فـيـن , العـنصرية بينـكـوا ليه , بتأسلموا وتكـَفـروا , عـلى بعـضكـم تتـنـقـوروا , دا إللى إنـتـوا شـاطـريـن بـس فـيه , فـيـن الرجال إللى يقـولـوا ويفـعـلـوا , فـيـن إللى يـبنـوا فيـن إللى كانوا يزرعـوا وبيصنعـوا , الأمـن فـيـن , فـيـن الأمـان , الصـدق فـيـن , دا خلاص وكان , فـيـن الأمـانـة , قـولـوا فـيـن , ليه تبقى إيدكـم يالصوص مـوجـوده فى جـيـوب بعـضكـم , إخطف وإجرى دا طبعـكـم , عـلى بعـضكـوا متسلطيـن , القسـوة ليـه , الرحمـة فـيـن , وفيـن وفيـن .
ياإللى فى نعـمة عـنها إنتـوا غـفـلانين , بحريـن ونيـل , وجبال ومليانـة بكـنـوز , وفراعـنة صنعـوا لكم تاريخ , أهـرام معـابد عـندكم , بترول كمـان وغـيركـوا صبحوا بيه كـُبار وميملكـوش غـير بس ليه , وقـناة سويس خدتوها عالجاهـز كمان , فـيه أرض خصبه وفلاحين , فـيه المناجم فـيها خيـر , تعـديـن يكـون , فـيه المكان وفى وسط العالم يكـون , وتجارة عـايزة يادوب شطـارة عـشان تكون , وموانى فـيـه يتمنى غـيركم ربعها وبيسعى ليه , وفـيـه بـشـر وألا العـدد دا فى اللمـون , وفـيـه وفـيـه .
مـش بـرضـه نعـمـة إنـتـوا عـنهـا غـفـلانيـن , خسـارة فـيكـم حـضـنى دافى يضـمكـم , أنـا أمُـكـم , أنـا مـصــر ليــكـم أقـول لـكـم خســارة فـيــكم .

اقرأ ايضاً صفحات رأي متعلقة على جريدة احداث اليوم:

اضيف بتاريخ: Saturday, March 30th, 2013 في 04:36

كلمات جريدة احداث: , ,

اترك تعليقاًً على هذا الرأي