أشـرف صقـر

احداث مصر

الله أكـبـرعـليهـم ياخاتـم المُـرسلـيـن

قبل الكلام البداية عندى بسم الله , وخصوصاً إن الكلام عن خير خلق الله , عـن سيدنا المصطفى علية صلاة وسلامات , وفى التشهُـد تكون فى اليوم خمس مرات , والأمـر من ربنا تعـظـيـم لشـأن الحـبيب , دا المصطفى عـندنا فى أعـلى الدرجات .
يا أمة المصطفى م إللى بأشوفه موجوع , يا خيـر أمة إنتـوا فـيـن , قلبى عليكـوا له دمـوع , يا أسـود عـلى بعـضكـم تـلعـب بيـكم شياطيـن , والفـتنة هـيا الهـدف وده إللى ليه عـايـزيـن , شياطيـن وشطـرنـج تلـعـب بتشيل أهـو وتحُـط , والخطة ماشية تمام للى يعـوزوُه بالظبط , أما إنتـوا لا حـول ليـكم خلاص ولا قـوة , واللعـب شغال عـليكم بالعقـل وبقـوة , وبقـيتـوا مسرح كبيـر والدنيا تتفـرج , والضحك أصبح عليكـم … ونجح أهـو المُخرج .
يا أهل مصر الكـرام الوقـت وقـت الجـد , مسلم مسيحى سوا شايلانا نفـس الأرض , وشيـطان بلـدنا بعـيد قاعـد فى آخـر الأرض , عـينه عـلينا الشيطان , الدنيا ليه هادية , مش دا إللى عايزه الشيطان , دا عايـزها نار قايدة , وخصوصاً إن البلد حالها بشكل جـديد , السلطة فـيها إخـوان وسلف كمان بيـزيـد , أما لغة الخطاب صبحت حلال وحـرام , وجـت أهـو لحد عـنـده , الفـرصة جـت للشيـطان , وبوسوسة والنتيجة فـيـلم هـناك عـملـوه , فـيلـم يسىء للـرسول , وكمان هناك عرضـوه , والفـتنة هيا الهـدف , عايـزينا نمسك فى بعـض , وبعدها الدنيا تحكى عـن إضطهادنا لبعـض , باب يتفـتح للشيطان ويقـول حقـوق إنسان , أصل الشيطان وقتها هيكـون علينا طرزان , حامى حمى المظلومين يـومها يكـون الشيـطان .
يا أهل بلدى الكرام عايزيـن نشغـل عـقـل , عايزيين نِفـَتح عـنينا عـلى حـُفـر فى الأرض , حـُفـر عاملها الشيطان عــلـشان نـُقـع فـيها , ولو نغـمض عـنينا هنقـع أكيـد فـوق بعض , أما إللى ساء للرسـول لازم له تربية , مش عـنجهـية وكلام بغـضب وعـصبية , الدولة بيكـون لها هـنا أهـم الكلام , وكلامها لازم يكون كلام يجـيب إحتـرام , لغة المصالح تكـون دى تجارة والسوق حُـر , وفى السياسة الأمور دورنا يفـيـد مايضر , لازم الحساب يتعمل عـلشان نكون يـوم نــد .
أمـا الحبيب النبى نرفع رؤسنا بيه , واليـوم يكـون فـيلمنا إللى هـنعـرض لـيه , أبطاله ملايين بشر راحوا بقـلوبهـم هـناك , والـدنيـا تشهـد عـليهـم فى يـوم وقـوف عـرفات , الله أكـبر نبينا أقـولها للحاقـدين , لما يشوفـوا فـيلمنا لازم يكـونوا حاسديـن , الله أكبـر عليهـم يا خاتـم المُـرسلـيـن .

اقرأ ايضاً صفحات رأي متعلقة على جريدة احداث اليوم:

اضيف بتاريخ: Monday, September 24th, 2012 في 14:10

كلمات جريدة احداث: , ,

اترك تعليقاًً على هذا الرأي