فينك يا مصر

بدور عليكى فى كل سكة وكل شارع بدور عليكى وياريت قلبك يبقى سامع
حد يقولى حد يجاوبنى حد يقنعنى حد يطمنى مصر راحت فين
محدش شاف بنت جميلة اسمها مصر تايهة يااولاد الحلال
العمر 7000 سنة لابسة فستان ابيض فى احمر فى اسود والتوكة نسر اصفر
كان عندها خير كتيير نهبه فرعون الحقير
انتى فين بدور عليكى مش لاقية ولا حاجة فيكى كنتى دايما مادا ايدك بالمحبة والحنان
كنا دايما بنلاقيكى انتى فين بدور عليكى
مش ولادك يامصر اللى حاولوا يخربوكى وناسك عمرهم ماينهبوكى دول ولادك بيحرسوكى
ياللا مديلهم ايديكى انتى فين بدور عليكى
ارجعى يامصر تانى واحضنى شعبك وناسك واللى يحاول يعتدى عليكى عرفيه ان شعبك هو دهبك وماسك ارجوكى امسحى دمعة عنيكى وارجعى انا محتجالك
مصر لما تشوفها قلبك ينشرحلها وتبقى عايز تضمها هتلاقيها طفلة بس عجوزة امانة عليكم اللى يلاقيها يدلنى عليها دى ملهاش غيرى ومليش غيرها

اقرأ ايضاً صفحات رأي متعلقة على جريدة احداث اليوم:

• خَلْفَ النصب التذكارِىِّ للعقاد وطه حسين ومحمود مختار وزويل
• مصر الى اين وماذا تعطينا الدولة
• مصر تسير الى الافضل
• أوهام تجديد الخطاب الدينى
• ماذا بَعْدَ اسْتِئْصالِ الأُدَباءِ وَإغْلاقِ النَدَواتِ الأدَبيَّةِ يا مِصْرُ