منعم

احداث مصر

يجب محاكمة احمد شفيق .. من وجهة نظري

الفريق أحمد شفيق كان من الوزراء الذين نكن لهم بكل إحترام .. ولكنه بعد أن قبل هذا المنصب كرئيس لحكومة مصر فقد أخطأ خطئين واضحين:
الخطأ الأول قبوله هذا المنصب في تلك الظروف .. فهو لم يحسبها صح رغم تأنيه الشديد ويبدو أنه كان على يقين من أن الشعب سيخسر المعركة وينتصر مبارك.
أما الخطأ الثاني .. وهو في رأيي خطأ فادح جدا .. تصرفاته بعد خلع مبارك .. إذ اتسم بالبطئ والتراخي الشديدين .. مما أفقدنا أدلة مهمة كانت في وقت التنحي تكشف لنا عن أسرار كثيرة ضاعت في خلال الشهر الذي أمضاه في هذا الرتم الممل .. فهو في رأيي متورط عما حدث من فرم وحرق للمستندات في أمن الدولة وكان يجب عليه فور التنحي مصادرة تلك المستندات .. فلماذا حدث ذلك بعد تركه منصبه ؟؟ هذا لغز يجب حله.

اقرأ ايضاً صفحات رأي متعلقة على جريدة احداث اليوم:

اضيف بتاريخ: Tuesday, March 8th, 2011 في 23:34

كلمات جريدة احداث: , , ,

27 رد to “يجب محاكمة احمد شفيق .. من وجهة نظري”

  1. Candy
    01/07/2011 at 19:41

    This makes evreythnig so completely painless.

  2. فرح فخرى
    29/03/2011 at 21:07

    احترم هذا الرجل لان تاريخه مشرف

  3. ابو رضـــــــــوان
    29/03/2011 at 20:18

    نحترمه كشخص ونحترمه لزوقه ونحترمه لهدوئه ونحترمه لتواضعه ولكن :

    كان فين من الفســـــــــــاد اثناء تواجده بالوزارة مع العهد البائد لم نسمع منه معارضة ذات يوم ولو بالهمس .

    كان فين من احداث الجمال والبغال والمعيز وهو رئيسا للوزراء بما فيهم وزير الداخلية

    كان فين لما ظل رئيسا للوزراء ولم نسمع منه ذكر اي اسماء تورطت في مقتل ومعركة الجمل . مع العلم بان الجمل لم يموت او بمعنى لم يتسبب في مقتل الكثير ولكن من استشهدوا ليلة الجمل من قناصة وزارته كانوا اضعاف من استشهدوا من الجمل وظل صامتا حتى اقيل من قبل الشباب

    لماذا تم البدء في حرق المستندات بالامن فور سماع خبر اقالته ؟ هل لانه هو حامي الحرمين وشرف هو …….. ؟؟؟؟؟؟؟؟؟؟؟؟؟؟؟؟!!!!!!!!!

  4. ramzy
    11/03/2011 at 12:31

    احمد شفيق راجل محترم ونزية – ولة طريق مشرف – الفريق احمد شفيق من الشخصيات القليلة جدا – ياريت الفريق شفيق يمسك اي منصب في مصر كنت اتمني

  5. yanayerawy
    11/03/2011 at 03:42

    ياريت نحاول نسمع بعض ونستفيد من آراء بعض بدون هجوم أو تجريح لأن مصر بلدنا كلنا ومصالحنا واحده وهى مصلحة مصر , بالنسبة للفريق أحمد شفيق تدور حوله بعض الشبهات وهى أولا: ان الذى اختاره للمنصب هو رمز الفساد الأكبر مبارك والذى لن يقوم بإختيار أحد إلا إذا كان من المنظومة. ثانيا: بعد تولى أحمد شفيق المنصب ووعده لشباب الثورة بالأمان على أرواحهم ومناقشة مطالبهم هاجمتهم البلطجية بالجمال والبغال وأستشهد منهم الكثير. ثالثا: كيف وهو رئيس الحكومة ويسمح بغياب الأمن من شوارع مصر طوال فترة تولية المنصب ولا عجب مع تولى وزارة الداخلية لمن هو أسوأ آلاف المرات من العادلى وهو محمود وجدى سادى تعذيب المساجين. رابعا: لم يفرج عن شباب الثورة الذين اعتقلوا ولم يكرم الشهداء ويعوض أهاليهم بشكل رسمى يليق بأبطال خامسا: وهو ما أتفق فيه مع كاتب الموضوع الأصلى (منعم) ما الذى حرك أمن الدولة بكل فروعها للتخلص من المستندات فى وقت واحد فى هذا التوقيت بعد استبعاد أحمد شفيق إلا إذا كان هو الدرع الحامى لهم. وعموما من أول رئيس الجمهورية لآخر موظف فى الحكومه كلهم يعتبروا موظفين عندنا وبياخدوا رواتبهم من خير أرضنا وتعبنا وعرقنا ودمنا فلازم يكونوا فوق الشبهات بمراحل وإلا يبعدوا عننا كفانا فساد وتأخر. وإعرفوا دايما ان الشجرة تعرف بثمارها, واللى منهم مالوش ثمر يكون قلعه أحسن فما بالكم إذا كان ثمرته سامه …!!!

  6. ابراهيم اسماعيل
    11/03/2011 at 00:42

    واتمن ان يكون الفريق شفيق رئيس للدول

  7. ابراهيم اسماعيل
    11/03/2011 at 00:41

    حرام عليكم

  8. medooo
    10/03/2011 at 20:17

    أرجوكوا شوية موضوعية الراجل ده له إنجازات مش من السهل نسيانها و علي سبيل المثال لا الحصر أنه جعل من الطيران المدني من أسفل السافلين في العالم الي أفضل الأماكن و خصوصا شركة مصر للطيران إن هذا الرجل هو ما نحتاجه خلال الفترة القادمة و أهم ما يميزه هو جرأته في إتخاذ قرار إبعاد المقصر فورا و المتابعة الجيدة هي أساس نجاح أي عمل مهما كان

  9. LoLo
    10/03/2011 at 19:52

    وبعدين هو كمان اشجع وزير جه مصر لانه استلم الوزارة فى وئت زى دا

  10. LoLo
    10/03/2011 at 19:50

    ايوة صح احمد شفيق من اكتر الوزراء المحترمة خلال 30سنة

  11. يمني الديب
    10/03/2011 at 17:52

    يا يا جماعة بطلوا عيب في الناس من غير منعرف أي حاجة ولكن ركزوا في المستقبل وبصوا للإشاعات بعين المنطق صحيح إحنا عملنا حاجة حلوة وهي الثورة لكن اللي مستنينا أصعب بكتير

  12. يمني الديب
    10/03/2011 at 17:46

    بجد بجد الراجل ده أنا حساه كويس ولكن إحنا ملناش حظ ولكن ندعي ربنا يكون اللي جي أحسن

  13. body
    10/03/2011 at 17:43

    اذا لم يكن متورطا الدكتور احمد شفيق فلماذا مع تنحيه تم فرم الاوراق الرسميه لامن الدوله فى نفس الوقت و هروبهم من امكنهم اريد تفسيرا منطقيا لا عواطف حتى نصل للحقيقه

  14. مصري حر وأفتخر
    10/03/2011 at 17:03

    وعشااااااااااااااااان خاطري بلاش تشتموا في بعض عشان حد كله يكتب واللي بيقرا عنده مخ يفهم فبلاش تعصب همجي كلنا بنحب مصر وكلنا بنحب بعض فبلاش تجريح في بعض ويا ريت اللي يقول رأيه يحط معاه قرينة أو دليل
    الاخ اللي عايز يكرم الفريق شفيق حنكرمه علي ايه بالضبط ؟؟؟؟ أمال نعمل ايه مع دكتور عصام شرف اللي مبينامش وليل نهار في الشارع مع الناس عشان يهدي ويطلب فرصة يعرف يشتغل أقل حاجه نساعده وندعي ربنا يوفقه أمامه أعداء لا يحصوا لكثرتهم
    ومعلش طولت عليكم

  15. مصري حر وأفتخر
    10/03/2011 at 16:57

    والكوارث اللي احنا فيها اللي رعبة البعض معروفة وقديمة ومتوقعة سيناريوا أمن الدولة بعد ما اتهاجم واتفضح وتقابل قادته من الضباط الذين لم يلقي الجيش القبض عليهم في أحد الفيلات التي تخصهم وهي كثيرة ودا كلام موثق لان حوار المسيحيين ده حصل اكتر منه قبل كده والمعتقلات كانت مليانة بالمسلمين مافيهومش غير قس كان بينصر الناس ويوزعوا منشورات تبشيرية في الاتوبيسات
    1- حرق كنائس
    3- حرق مساجد
    4- إثارة الفتنة اللي حوارتها جديدة علي الناس
    5 – إغتيالات لرموز وطنية عشان كله يشك في كله وتبادل الاتهامات الاخوان الوفديين الي أخر من هو مرشح لمنصب
    عايزين من الشباب الواعي بدل الكلام الفاضي عن اللي مشيوا يوعوا بعض للي جاي بلالش نبكي علي الي راح خلينا في بكرة وكلنا أمل ان ربنا مش حيضيع مصر لأن لها عند الله مكانة وأهلها اتظلموا كتير

  16. مصري حر وأفتخر
    10/03/2011 at 16:47

    كله بيتكلم ولا حد عارف حاجة ما تقروا وتفهموا بعدين اتكلموا
    اللي طالعين السما بأحمد شفيق يقدروا يعرفونا إنجازاته الرهيبة غير انه تعاقد مع شركة أجنبية لتحسين أداء المطارات ويبدوا أن البشوات ما بيشوفوش المقابلات بتاعة سيادته ولا بيسمعوا كلامه
    وأكبر وصمة عار لما سؤل عن الجمال والحمير والبغال قال معرفش عنها حاجة رئيس وزراء مبيعرفش الوقائع غير من الأخبار حيفيد البلد في ايه ووصلوا من أخر الهرم الي ميدان التحرير حوالي 10 كيلومتر متنكرين ونظرته للثورة واحتقاره لرجالها تفسيره عندكم وطنية ؟؟؟؟
    ولما سألوه مغيرتش الوزراء الفاسدين القدامي ليه قال أنا عندي أوامر رئاسية أن بعض الوزراء يفضلوا :::: والرئيس كان اتخلع خلاص ساعة المقابلة دي يبقي ضغوط وطالما انت راجل مش عارف تختار وزارئك لزمتك ايه والحوار فيديو حتلاقوه وبرده للي ميعرفش يشوف استقال ليه وزير الثقافة بعد أول اجتماع لوزارة شفيق:::
    وغيره وغيره كتييييير واهمها انه غير حازم مبيعرفش يرد اصغر محاور بيحرجه لانه كان اشبه بخيال مأته
    فبلاش نفت ونردد كلام منعرفش عنه حاجة أشرف واحد راجل نظيف راجل تمام راجل وطني
    الناس عايزة أفعال مش ميكروفونات مدح عالفاضي

  17. عادل
    10/03/2011 at 14:55

    شفيق من رجال حسنى مبارك ومن نظامه وقد اسقطت الثورة النظام الفاسد ويجب القضاء على كل رموز ذللك النظام اذا اردنا خيرا لمصر

  18. hanaa
    10/03/2011 at 04:31

    ارجوكو بطلواافتكاسات احمد شفيق من اكثرالشخصيات المحترمةفىمصر

  19. Bosy
    10/03/2011 at 02:56

    انا اتمنى ان يكون احمد شفيق رئيس الجمهورية ولا تقولى البرادعى ولا توفيق عكاشة ولا ايمن نور

  20. Bosy
    10/03/2011 at 02:54

    اولا انا مصرية وبحب بلدى جدا وبعدين الاخ اللى بيقول ان الاستاذ الدكتور احمد شفيق متورط فى حرق اوراق امن الدولة ناقص يقول حاجة واحدة ان هو اللى سرق فلوس مصر وخلى مصر فى ازمة اقتصادية وهو كمان اللى مسك مسدس ونزل فى المظاهرات وضرب المتظاهرين ياراجل حرام عليك _مالاقوش فى الورد عيب قالوله يااحمر الخدين_

  21. Bosy
    10/03/2011 at 02:47

    ا

  22. nada
    10/03/2011 at 02:32

    ياجماعه مش ممكن اللى بيحصل هو لازم يكون فى كبش فده الوزير السابق احمد شفيق استلم منصبه فى وقت غير مناسب وقت ثوره مش معنى كده اننا نحمله كل ال بيحصل من غير دليل (يأيها الذين امنوا اذا جائكم فاسق بنبأ فتبينوا ان تصيبوا قوما بجهاله فتصبحوا على ما فعلتم نادمين)

  23. samar
    10/03/2011 at 02:23

    بجد انا كنت بحسد نفسنا عالفريق احمد شفيق لانى حسيتة بجد انسان محترم جدا ودة اللى احنا كنا عايزينة وبجد انسان حاسس بلشعب وكان ناوى يغير مصر للاحسن وانا كنت مطمنة اوى بس دلوقتى خايفة اوى من المستقبل المظلم دة اللى كل يوم بيحصل كوارث اكتر ومش عارفة واخدنا لفين واية اخرها
    بس مع الاسف احنا شعب مينفعش معانا الانسان الطيب احنا عايزين حد منافق عشان يقدر يحوز ع قبول الشعب كلة
    ربنا يسترها

  24. اسامه طاهر
    10/03/2011 at 00:03

    اذا كان متورط لابد محاكمته ومحاكمه شديده لآنه ضلل العداله حسبى اللخ ونعم الوكيل

  25. samah
    09/03/2011 at 21:21

    بجد حرام عليكم انتوا نسيته اللى عمله عشان مصر بجد انتم ناس شخصيين وليس وطنيين بجد الراجل ده مش نستاهله

  26. عادل
    09/03/2011 at 09:51

    مين إنت يا فاشل علشان تقول على سمو البرنس أحمد شفيق كدا
    وليه متقلش إن قبولة للوزارة فى الظروف دى محاولات من سيادة الرئيس السابق مبارك لكسب تعاطف الشعب وإن أحمد بك شفيق راجل نزيه ونقى ويحمل فى قلبة وطنيه لقبولة وزارة وهو على علم بأن عمرها قد يكون ساعة أو يوم على الأكثر

  27. ghazzawy
    09/03/2011 at 09:38

    بلاش كلام فاضي الدكتور شفيق رجل شريف ويجب تكريمه .

اترك تعليقاًً على هذا الرأي