أسئلة فرضية

واحنا بندردش وبناخد وندى فى الكلام حكاية من هنا على حكاية من هناك وقاعدين سيجارة فى سيجارة مع كباية شاى والكلام بينّا موصول.ولكن أنا ديما كده اقلبها نكد. قولت لاصحابى شايفين ياولاد اللى بيحصل فى الميدان وف مصر كلها لاحنا ولا اللى بيحكموا البلد دى عاملين حساب لمصر لأن لو كانوا عاملين لها حساب ماكنش حالها يبقى كده.. قالوا لى طب لو أنت مكان المشير كنت حتعمل ايه ؟. قولتلهم والله لو عليه كنت اتنحيت ورجعت لمهمتى الأساسية وهى الدفاع عن مصر وحماية أمنها والغى جميع البيانات والوثائق والتعديلات التى صدرت عنى ووليت نيابة عنى مجلس رئاسى مدنى ترتضيه جميع التيارات بمختلف توجهاتها ويقوم هذا المجلس الرئاسى المدنى بتشكيل لجنة تأسيسية منتخبة أو متوافق عليها لعمل الدستور .ثم يتم الاستفتاء عليه . ثم انتخابات مجلسى الشعب والشورى . ثم انتخاب الرئاسة. على أن يتم ذلك طبقا لمواعيد محددة. على أن تختصر المدة اللازمة لذلك قدر المستطاع. وأن تفعل كل الامكانيات الأمنية والمادية بكل حزم وحسم وصرامة. ومحاسبة كل من يخالف ذلك محسبة عسيرة طبقا للقانون وماتستدعيه المصلحة العليا للوطن .وبعد كده حيكون عندى رؤية متكاملة وخريطة تفصيلية لمصر.أحد فيها كل مكونات ومفردات هذا البلد فىظل رؤية اقتصادية وسياسية واجتماعية شاملة 1ـ تنمية بشرية على أسس علمية وتقنية 2ـ الارتقاء بالتعليم والصحة 3ـ محاربة الفقر والعشوائيات 4ـ تحديث جميع المرافق العامة 5ـ الربط بين البحث العلمى وتنمية الاقتصاد 6ـ العمل على تعظيم مصادر الايرادات والموارد . 7ـ الحرص على ايجاد مصادر أخرى لموارد وايرادات جديدة 8ـ العمل على زيادة الانتاج كما وكيفا 9ـ تحقيق اعلى مستوى من الرفاهية للشعب المصرى كافة
قالوا كل ده ؟
قولتلهم لأ. دا من غير التفاصيل لأن التفاصيل شرحها يطول.
بس المهم واللى قبل كده حقول لعمى الحاج عصام أبو شرف ياخد الرجالة بتوعه ويقعد هو فى الميدان واجيب ناس تانية يكونوا ثوار بجد مش ثوار بق ومنظرة لا..يكونوا ثوار بحق ثوار عمل وفكر وبيحبوا مصر بجد ملهمش فى أجندات ولاكشاكيل وننقدر نعمل ثورة انتاج وثورة صناعة وثورة زراعة وفى المقام الأول يكون فيه ثورة أخلاقية..وشوفوا بقى مصر حتبقى ازاى

اقرأ ايضاً صفحات رأي متعلقة على جريدة احداث اليوم:

• ميدان التحرير ولعبة شد الحبل
• خَلْفَ النصب التذكارِىِّ للعقاد وطه حسين ومحمود مختار وزويل
• مصر الى اين وماذا تعطينا الدولة
• مصر تسير الى الافضل
• أوهام تجديد الخطاب الدينى