طبعا لازم ابدأ بالبق الحمضان اني لا انتمي الى اي فصيل سياسي او جماعة او ائتلاف ومش ضد احد لصالح اخر لاني شايف انه مفيش اساسا ولا شخص الان من الي بيتزعموا البلد او بيلعبوا بالسياسة همه مصلحة مصر اولا ولكن بالحقيقة كمواطن مصري شايف ان كل اللي يبحصل اليومين دول مهزلة لازم تنتهي بأي شكل ..
اتخنقنا من الصراع على الانتخابات اولا ولا الدستور وعدت على خير وقلنا الانتخابات ورضينا بالامر الواقع رغم انه مش في مصلحة البلد بس ماشي لكن ان نتيجة انتخابات مجلس الشعب 2011 تكون محسومة ومعروفة مسبقا وانا مش هقول لصالح مين لان الكل عارفين ..
ومادام نتيجة انتخابات مجلس الشعب خلاص يعني ايه لازمة التمثيلية البايخة المملة اللي هندخل فيها اذا كان هما ليهم شوق – الناجحين بـ الانتخابات مسبقا يعني – بالسلطة يشبعوا بيها ووفروا المصاريف تبع الدعاية والمنظرة والفشخرة وورونا شطارتكم بالحكم وبقيادة مصر
مش عايز اتكلم بالالغاز بس كل ما يحدث بالانتخابات المصرية الان مستفز جدا وخصوصا ان في عشوائية بجميع القرارات المتعلقة بيها ويا عالم يمكن تتأجل ونفضل في الهم ده شهور وسنين كمان …
مش جاي على بالي دلوقتي غير كلمة واحدة قالها طلعت السادات وانا هرددها وراه : خلاص البلد بتضيع يا بديع
السلام عليكم ورحمته الله وبركاته هون عليك الصدمه اللى انتا فيها من فوز الاحزاب التى تتجه الى التيار الاسلامى وهيا مش محسومه من فراغ دى محسومه علشان اغلب طبقات الشعب زهقو من الظلم اللى شفوه علا مدا مدار 30 سنه واكثر يارب تكون رسالتى واضحه وتقدر تراجع نفسك فكلامك
واتمنى ان اللى فازو ربنا يعنهم ويكونو سبب فالاصلاح ده من مصلحت الناس كلها وبعدين محنا بناخد علا دمغنا بقلنا 30 سنه ايه المانع انك تمشى ورا حكمك ربنا 4 سنين لعل الله ان يجعل فيها الصلاح والنجاه من الفتن وما نحن فيه وتذكر قول الله عز وجل وما اصابكم من مصيبه فبما كسبت ايديكم ويعفو عن كثير اللهم ولى علينا من يصلح
طلعت السادات مات عقبالك
كلامك صائب جدا ياأخ سالم فعلا الإنتخابات واضح رايحة لفين بس دي مش الديمقراطية اللي إحنا كنا بننشدها ده إستهبال إنها تتسلم بيضة مقشرة للناس دي وفعلا البلد بتضييع يابديع وحسبي الله ونعمه الوكيل .
أي خدمة, بس لازم انت ترضى برأي الشعب , مش هي ده برده الديموقراطية اللي صدعتونا بيها….