دلوقتى شايف قصادى كتير قابيل وهابيل , إخوات لبعض ودمهم عالأرض سايل سيل , وشيطان معاهم يوسوس ينفخ بأنفاسه , يملا غباوه لقلوبهم وغشاوه لعنيهم , ده سيرك ده وألا غابه إللى ليه شايف , دا الغابه فيها نظام , وللقطيع قائد , يمشوا ورا خطوته لو راح شمال ويمين , وآدى سرب طير فى السما , تشوفه تفرح بيه , قدامه قائد وكله فى طيره تابع ليه , حيوان وطير عرفوا إنه فى التفرق ضعف , وبفطره إتوحدوا ومفيش معاهم عقل , وإحنا كنا فى جره , ومنها أهو طالعين , وإللى هيوصف لحالنا , هيقول دا دول مُحدثين , شياطين بتلعب بروسكم , وبقت خبيتكم دوبل , وأى شايف لحالكم , هيقول عليكم هُبل , شياطين بتعمل وبيكم كل إللى ليه عايزين , عايزين يشوفوا ما بينا ملايين قابيل وهابيل , رمضان يا شهر الكرم , آديك علينا هالل رمضان وفيك ربنا بيسلسل الشياطين , لكن شياطين إنسنا بيكونوا مطلوقين , يارب إقدر عليهم وبكرمك إهديهم , وشيل غباوه قلوبهم وغشاوه من على عنيهم , وَحد رايتهم ياربى , وإحفظ لنا بلادنا , وفى شهرك المُفترج وَحد خطاويهم , وإجعله شهر خير علينا وعليهم , يارب إهديهم , ووَحد خطاويهم , وإللى يدبر ويُمكر , عايز لنا تدمير , إجعل فى مَكرُه ياربى لنفسه التدمير .
