سيادة النائب هى حكومه والا ايه
مش عارفه هى قامت ثورة والا انا كنت بحلم بمجتمع فاضل قام فيه الشباب بوعى ومسئوليه وغيروا النظام تصوروا حلمت انهم اطاحوا بمن جثموا على صدورنا 30 سنه غرقونا واصابونا بالامراض وقطعوا عنا الميه من افريقيا ووصلوا الغاز لاعدائناوفقرونا وسرقونا وشبابنا وشعبنا خلصونا منهم بثوره سلميه وبتحضر اثار اعجاب العدو قبل الصديق وجابوا رئيس حكومه لاول مره باراده شعبيه مش بتعيين ووقف المسيحى يدافع عن اخوه المسلم وهو بيصلى ويحمى ضهرة ووقف المسلم يدافع عن المسيحى ويحمى كنيسته وهو فى الميدان والاخوان نسيوا انهم اخوان وافتكروا بس انهم مسلمين ومصريين ودافعوا عن مصر فى الميدان الى ساعتها كانت ام للمسلم والمسيحى والاخوانى والسلفى والمحجبه وغير المحجبه كانت مصر ام للجميع والولد جنب البنت لافيه تحرش ولامعاكسات انما الهدف اسمى واكبر من الهيافات وعلم مصر اترفع على البيوت والعربيات وعلى صدور الشباب ووجهوهم والكل حس ان مصر بقت بتاعته لازم يصونها ويحافظ عليها
وصحيت من الحلم ولقيت مصر تانيه غير الى كنت بحلم بيها ولقيتهم بيقولوا فتنه طائفيه بين المسلم والمسيحى وضرب كنائس وشويه كاميليا وشويه وفاء وكمان سلفيين واخوان وصوفيين ايه ده كله ؟ وسمعت عن سرقات وجرائم وبلطجيه بيثبتوا الناس فى الشوارع واضرابات وقفت مصانع واسعار زادت والناس بتقتل بعضها علشان السولار والحكومه الى حلمت انها جت باراده شعبيه لقيتها فى الحقيقه ماشيه على النظام القديم فى تعيين الوزرا وهو نظام الى نعرفه احسن من الى مانعرفوش يعنى نظام الشلليه القديم قاعدين يجتمعوا ويبحثوا ومافيش اى تاثير لهم و النائب يقولنا انهم مابيناموش من كتر اجتماعات مجاس الوزراء ومن كتر المباحثات فى الحلول المطروحه للازمة الى احنا فيها ومافيش مردود لكل ده على ارض الواقع وقاعدين نتكلم عن عفو والامحاكمه للرئيس السابق والا الهانم ونتشاكل والفضائيات تسترزق وقاعدين نجيب الوزرا يتكلموا بالساعات ونسلط عليهم الاضواء هما وزرا ولافنانين,
سيادة النائب هى حكومه والا ايه
مش احسن ارجع احلم من جديد
Amal abdalla
انا معاك انه يطلع لكن من خلال عمل يكون انجزه بالفعل مش يطلع علشان يتلمع اويطلع عمال على بطال من غير اى فايدة ولو بيشتغل بحق مش حيلاقى وقت يطل علينا
انافى راى انك ترجع تحلم من جديدتحلم ان تقوم ثورة تعلم الشعب يعنى اية اخلاق يعنى اية مسئولية ومع احترامى لرايك فى موضوع الوزراء المفروض كل وزير يطلع مرة ولو كل شهر يعرفنا اية الى عملة واية الى هيعملة وعلى فكرة مصر لسة مبقتش بتاعتنا لسة بتاعة الحكومة بس بطريقة احسن من طريقة النظام السابق شويتين
gp لحد امتى البلد دة هتفضل من غير امن الناس فى كل مكان تنادى بالحماية
بلطجية فى كل مكان وامام اعين الناس فى عز النهار بتسرق ةتقتل وبتسرق وينهبوا الشقق
فين الجيش الناس بتطلب الامن والامان لها ولاودهم مين يحميهم غير ربنا