قرأت أمس فى جريدة المصرى اليوم فى الصفحة الثالثة خبر عن حملة شعبية لتأييد ترشيح أحمد شفيق لرئاسة الجمهورية،وأن هناك بطاقات يتم توزيعها لجمع التوقيعات المؤيدة له،كما أن هناك حملة ترويجية له على “فيس بوك”.لقد استفزنى هذا الخبر لأن هذا الرجل شفيق قد أهان الثورة والثوار عندما قال انه مستعد لأن يبعث بونبون وشاى لثوار ميدان التحرير _يعنى عايز يقول للثوار أنهم شوية كلاب تنبح وأنه مايهموش مظاهراتهم ولا أعتصامهم فى ميدان التحرير وقال ذلك بلهجة أرستقراطية وقحة تدل أكثر ما تدل على قمة التفاهة وخواء العقل والنفس_أليس هو الرجل الذى أختاره شيخ الغفر حسنى مبارك رئيسا للوزراء_أى والله_مبارك ده كبيره أن يكون شيخ غفر ومن العار أنه حكم مصر كما قال الكاتب المناضل عبد الحليم قنديل فى أحد مقالاته.جاء أحمد شفيق معارضا لرحيل حسنى مبارك تحت دعاوى أن ثقافة شعب مصر ترفض ذلك لأن شعب مصر عاطفى وبأسلوب فاجر داعر يتجاهل جحافل الثوار التى تطالب برحيل شيخ الغفر حسنى مبارك فى جميع محافظات مصر تقريبا_كما عافر وقاوم أحمد شفيق نفسه مطالبة الثوار له بالرحيل من الوزارة_ايه التلامة دى_كلهم للأسف بيتعاملوا مع الشعب المصرى على أنه مكون من مجموعة من البلهاء وأن مصر عزبة أبوهم_كفاية عبودية بقى.من الجدير بالذكر أن حسنى مبارك نصح الرئيس الروسى عندما قال له الأخير عن قرب أنتهاء مدته الرئاسية فى سياق حديث دار بينهما_قال له مبارك الآتى: ماتعمل تعديل فى الدستور بتاعكم لكى تمد فترة رئاستك!! ونشرها رئيس روسيا فى الصحف بعد ذلك ونفوها هنا فى مصر_يقول علينا العالم ايه بربكم؟ اذا كان هذا المبارك هكذا يبقى بالتأكيد شعبه شوية قرود_ولما أقول ان مبارك ده كبيره أن يكون شيخ غفر أبقى كمان مكارمه.على فكرة: لولا شباب مصر بتاع الفيس بوك والتويتر ماقامت ثورة فى مصر ولا أى هباب أسود ياخد كل القوى السياسية الأخرى الموجودة فى البلد واللى بتحاول الألتفاف على الثورة_أقول لهؤلاء الأنتهازيين خلى عندكم دم_خلى عندكم شوية وطنية،فاذا كان حسكم طلع دلوقت فهذا بفضل شباب الثورة وشهداء الثورة_فكروا فى مصلحة مصر من فضلكم.
السيد احمد شفيق ممكن تعطينى قطعة ارض من ال 6 قطع اللى أخذتهم من ابراهيم سليمان فأنت لست فى حاجة ليهم كلهم خليلك واحدة او اتنين ووزع الباقى للى محتاجهم بتمنهم طبعا بس نفس التمن اللى اشتريتهم بية وانا لا اتجنى ولكن هذا هو كلام المقدم معتصم فتحى المستقيل من الرقابة الادارية وسوف اكتبة كما قالة هو
ومن مِن المسؤولين الآخرين حصل على أراض فى الأماكن المميزة؟
– فتحى سرور وأولاده وأحفاده، وكمال الشاذلى وزوجته وأولاده، وأحمد شفيق وبناته حصلوا على ٦ قطع، وزوجة صفوت الشريف ونجله، وزوجة زكريا عزمى، وصفوت النحاس، وسامح فهمى وشقيقه، وماهر عبدالواحد وأولاده، بالإضافة إلى عدد كبير من الوزراء والمحافظين ورجال الأعمال، والغريب أن كلهم فى المناطق المميزة بالجولف والمشتل، وفى مواقع مميزة أيضاً وبمساحات كبيرة، وكل ذلك فى منطقة واحدة بالقاهرة الجديدة، فما بالك بممتلكاتهم فى مناطق أكتوبر والشروق وغيرها، وبالمناسبة كل هذا بالمستندات.
المحترم محترم واذا كانت الديمقراطية اللي الاخوة بتوع ميدان التحرير اللي كانوا طالعين يهبهبوا وسكتوهم بشوية قرارات فارغة على الورق فانا بقول بناقصها الديمقراطية دي اذا كنتوا معترضين على احمد شفيق عشان مبارك اللي جابه فشرف الكلمنجي بتاعكم ده كان وزير قبل كدة في عصر مبارك برده وحصل في عهده وهو وزير النقل والمواصلات حوادث قطارات علي كيفك واشهر حادثة عبارة في العالم يعني لا تعايرنى ولا اعايرك
اولا المستندات اللى ف امن الدوله اتحرقت لما بدات محاكمه العادلى وبدات اسماء تانيه تدخل ف التحقيقات مش لما الفريق شفيق مشي الحاجه التانيه ف ناس قدموا مستندات للنائب العام ضد الفريق شفيق وطلعت كلها مزوره وربنا اثبت كدب الجميع الحاجه التالته اتمني ان الكل يسمع د/ابراهيم مناع وزير الطيران المدني الجديد وهو بيتكلم عن انجازات مصر للطيران والارباح وكل ده بفضل الفريق شفيق وحكايه القصور والفلل اللى بيملكها الفريق طلعت كلها كلام فاضي هو لا يملك سوي شقه واحده ويسكن بها حاليا ف التجمع الخامس فايريت قبل ما نتهم الناس نعرف هما ايه وبعدين نحدد موقفنا منهم مش نسئ لهم من دون علم
بصراحه كما قال الأستاذ الفاضل كفاية استخفاف بالمصريين وشفيق مرشح من مبارك ، حسبى الله ونعم الوكيل فيه على اللي عمله في الشعب المصري
للاسفالحاكم السابق اجبرناعلى ان نخرج اسؤ مافيناالان كل واحد الاول يسىء الظن على ان يتم العكس بخلاف ذلك فاهو سىء الظذ للاسف؟ احنا اخذنا وقت فى الاحقاد والتشفىء صدقونى اللى عمل فيهم كده ربنا سبحانه وتعالى فى اكثر من كده فضيحة وبعدين الفضيحةديه فى الدنيا ما بلكم فى الاخرة ؟ الان احنا عايزين نشوف شغلنا وطبعا فى ناس نثق فيهم سوف يكشفوا كل مصايبهم ان شا الله لان الظلم مهما يطول له اخر وده كلام الله سبحانه وتعالى لازم نغير ثقافتنا ونعيش الحاة ونعمل ونفرح ونساعد وننتج انظروا الى تركيا وماليزيا والدول المتشابهة من حيث التعداد واحنا المصرين ام وابو الحضارة والاختراع على حسب الحاجة احنا الان محتجين ان نرتقى باهذه البلد ارجوكوا اتركواالاحقادوالغيظ وتعالو نعمل لااولادنا نعمل لبكره نعمل اختراع جديداسمهالامل فى الغد الرملاوى
كل واحد عامل فاهم شكلكم عايزنها خرابه على العموم مفيش فايده
مينفعش والدليل موضوع امن الدولة يجدعان اشمعنا حرقوا مستندات امن الدوله بعد استقالة احمد شفيق طبعاهنا اللغز انهكان حاميهم وعاوز الجهاز يشتغل هو احنا ربنا مش ها يرزقنا بواحد بقى ينفذ الكلام اللى يقوله مش عاوزين كلام بدون افعال ارحمونا يرحمكم ربنا
اصلا اللى كاتب المقاله ديه انسان قليل الزوق اظن من الديمقراطيه احترام الغير مهما كانت ارائهم وتوجهاتهم مش انك تفرض رايك بالطريقه السخيفه ديه اللى انعدم منها الزوق والاخلاق وبعدين محدش يقدر يشكك فى اخلاق الفريق احمد شفيق هو فعلا اسلوبه ارستقراطي يبعد كل البعد عن اسلوبك الهمجي وانا بحمد ربنا انه حارق دمك كده ان شاء الله تموت بغيظك لما يبقي رئيسك
يا احباب مصر الترشيح للرئاسة متاح للجميع والحكم النهائى هو الشعب عن طريق صناديق الانتخاب فقط والمهم دلوقت ننسى اللى فات ونتتبه لمستقبل مصر وادعوكم للعودة الى مواقعكم والعمل من اجل نهضة مصر تحياتى
اارحب بترشيح رئيس الوزراء السابق احمد شفيق للرئاسة فهو انسب المرشحين ادعو الله له بالتوفيق من اجل وطننا الحبيب
عيب الأستخفاف بشعب مصر أتقوا الله فينا ربنا على الظالم والجاهل والمفسد والفاسد .أنسان غير مؤهل أصلا لقيادة بلد كيف يحكم مصر المحروسة لعلكم تحسبون أننا مغيبون وأننا جهلة أمثالكم لن يرجع العهد البائد أنسوا استحالة ان تتحقق أحلامكم المريضة ما مضى قد مضى ولن تعود عجلةالتاريخ للخلف .ناس معندهاش أخلاق ولا علم ولا شهامة ولا مروءة ما معنى أن يرشح أنسان ضعيف مفكك مدله ليرأس بلد ال 85مليون عقل واحساس ما معنى أن ينادى المتخلفين الجهلة أصحاب المنفعة لعودة مبارك للحكم بالذمة هل هذا يعقل .نطلب حل الحزب الوطنى ورجوع أصوله وأمواله المنهوبة من الشعب المصرى للدولة ومحاكمة رؤوس الفساد والأفساد من هذا الحزب المط العفن الا اخلاقى بجميع أفراده الخونة للشعب المصرى ومحاسبتهم على أفساد الحياة النيابية فى مصر وسرقة أموالنا وتحطيم آمال الشباب .حاربوا الفساد قبل أستفحاله وأقضوا على التغلغل العنكبوتى المدمر للحزب الا وطنى ولا انسانى .اللهم انى قد بلغت اللهم فأشهد .