الأمور بقت واضحة
العالم مفترض يعلن الحرب على الإرهاب كحرب عالمية، مش مجرد اطفاء الوضع في بلد معين او مكان معين
دلوقتي في 8 دول عربية تنكوي من نار الإرهاب بشكل مباشر
و 4 دول افريقية بتعاني من ضربات جماعة بوكوحرام
وفيه هجمات ارهابية في امريكا و كندا و فرنسا و الدنمارك في أوقات متتابعة
لازم يكون فيه تحالف دولي موسع ويكون فيه تخطيط مشابه للي حصل مع افغانستان والعراق في الفترة ما بين 2001 و 2003
ويكون فيه خطة للاجتياح البري بعد القصف الجوي المكثف
وتقسيم المهام على كل الدول ويكون فيه رغبة جادة من الولايات المتحدة في المساهمة في الحرب على الارض وان كان مش هتتحمل هي لوحدها الجانب الاكبر من الحرب زي ما حصل في الحرب الأفغانية العراقية
ويكون فيه مجلس عسكري موحد دائم الإنعقاد وغرفة عمليات عسكرية موحدة، هي فعلا الحرب العالمية الثالثة
ده المفروض يكون التحرك السريع دلوقتي لأن الوضع بقى خطر جدا، أما مسالة مجابهتهم ع المدى الاستيراتيجي البعيد عن طريق مسالة تجفيف منابع الارهاب
دي مش هتحصل الا لو فيه ارادة سياسية
وانا شايف ان تحركات السيسي انه يخلي الحرب ع الارهاب حرب عالمية خطوة في الاتجاه الصحيح،
دلوقتي حاليا ما ينفعش تتكلم عن البناء الا لما توقف الحريقة الأول، ولما نقضي على داعش عسكريا نبقى نتكلم ازاي نقضي عليها فكريا
أكرم محمود
احداث مصر
الحرب على الارهاب عالمية
اضيف بتاريخ: Monday, February 16th, 2015 في 16:05
كلمات جريدة احداث: احداث, ليبيا, مصر
