محمد شعبان أبوزهرة

انتخابات الرئاسة

سؤال لكل مصري : عايز مين يمسك مصر

أقسم بالله لو سألت أي مصري انت عايز مين اللي يمسك مصر
سوف لا يجد اجابه وسوف يقول لا أعرف
احنا رايحين علي فين ؟؟؟
أحسن حاجة إللي محدش عارف حاجة ..
ورب قوم ذهبوا للقوم الآخرين ولما ملقوهمش رجعو تاني
أي حاجة في أي حاجة
الثوار الحقيقيين هم الذين رأيناهم في بداية الثورة يداً واحداً وقلباً واحداً .. أرجوكم اطووا صفحة الماضي .. كنا في البداية نطالب “إصلاح.. حرية.. عدالة اجتماعية” وكان هذا هو النداء الأول للثورة.. بعدها بساعات تحول إلى “الشعب يريد إسقاط النظام” واستمر 18 يوما حتى تنحى مبارك و تم خلعه، “الشعب يريد تطهير البلاد”، إلى جمع الصمود والإصرار والمحاكمات، وأصبح مبارك محبوسا في مستشفى شرم الشيخ، وابنيه وجميع الوزراء السابقين في طره، والمحاكمات شغالة.
وتم حل أمن الدولة ومجلسي الشعب والشورى وإقالة المحافظين والمحليين واقالة عمر سليمان وأحمد شفيق وتم اختيار عصام شرف بإرادتهم والآن لا يريدونه ويريدوا البرادعي ما هذا التهريج وقالوا “عاوزين مجلس رئاسي”، و “عاوزين الدستور أولا”، طيب ولزمته ايه الاستفتاء اللي عملناه ايه الحل؟؟، عاوزين حق الشهداء، والله يا بخت كل شهيد عند ربنا لأه في الجنة ونعيمها لأن الدنيا لا قيمة لها .
لا نتاجر بهؤلاء الشهداء الذين ضحوا بأرواحهم علشان مصر فقط وأجرهم عند ربهم لا ينتظرونه من أي عبد في الدنيا ، والظالم والمفتري والقاتل حسابه عند ربنا
وبعدين سمعنا في الفترة الأخيرة الشعب يريد اسقاط المشير وعايزين المجلس العسكري يمشي وعايزين نعمل عصيان مدني ونقطع الطرق والكباري ومترو الأنفاق وقناة السويس حتى تنفيذ المطالب!!!!.
كل هذا ماذ بع اعتقد أن الهدف في النهاية أن تكون مصر بلا كبير وبلا حاكم، وينتشر الفوضى

مفيش فايدة لو عملنا ايه والله ما هو عاجب عليه العوض ومنه العوض وعمالين يطالبوا بأسماء غريبة وعجيبه عايزينها تمسك مصر مثل علاء الأسواني ووائل غنيم وممدوح حمزة وعمرو حمزاوي وشوية من الإخوان اللي بيخططوا ويبتكتكوا وعاملين دماغ مظبوط بدأوا بالنقابات ثم بعد ذلك مجلسي الشعب والشورى .. الخ
أين الديمقراطية اللي كنتم بتنادوا بيها وعاوزين السلطة والقرار يكون في يد الشعب…. استر علينا يا رب .
الكل بداية سوف يقول لي هذه الشعارات التي لم نكن نسمع بها من قبل أنت من فلول الحزب الوطني ، وأنت من أنصار الرئيس السابق ، و أنت من أعداء ثورة 25 يناير ولا تريد الخير لمصر ، رغم أنني مصري محب لهذه البلد مثل أي شخص عامل فيها زعيم وما أكثرهم الآن أسماء وأشكال لم نكن نسمع عنها من قبل ولكن .. يالله .. اللي يحب النبي يفتي ويعلي صوته .. ويعمل فيها بطل قومي .
محمد شعبان أبوزهرة

اقرأ ايضاً صفحات رأي متعلقة على جريدة احداث اليوم:

اضيف بتاريخ: Thursday, July 14th, 2011 في 08:35

كلمات جريدة احداث: , , ,

3 رد to “سؤال لكل مصري : عايز مين يمسك مصر”

  1. رانيا شاهين
    26/12/2011 at 14:25

    كل الى ااقدر ااقوله ربنا يولى الاصل والمفروض الكل يتفق على اختيار رئيس ربنا يسترها معانا والله الايام الجايه هتبقى فوضه وقلق اكتر من دالوقتى

  2. abdallah sayed
    19/07/2011 at 15:13

    انا ما زلت مصمم اني عمر سليمان و احمد شفيق من افضل الناس اللي ظهروا ولو نزلوا في الانتخابات انا هنتخب واحد منهم لاني شايف انهم الاصلح

  3. abdallah sayed
    19/07/2011 at 15:09

    والله ده الكلام اللي قلته من بعد الثورة انا قلت اننا سوف نغرق في الفوضي والاتهامات والانهيار واصبح كل واحد ريئس جمهورية يحاسب اي شخص ويشيل اي واحد حتي من غير حساب ومن غير ما يديله فرصة يظهر امكانياته ويحاول يصلح لا شيل ده حط ده وربنا يستر

اترك تعليقاًً على هذا الرأي