العـسل ما أكلنهـوش

جاى بتسأل ليه فـرحنا , جاى بتسأل ليه رقصنا , جاى بتسأل ليه السعادة مالية دارنا , جاى بتسأل والإجابه عايزها منا , الخلاصة والإجابة شوف ياسيدى , العـسل ما أكلنهوش , غـيرنا شربه مغـمسوش , العـسل شـربـوه جيـران , أهل لينا , شربوا منه مخونوش , وإحنا إحنا , زي ما أحنا , ربنا حافظ ولينا , يد واحدة دي إيدينا , لو يفرقنا العسل نفسنا ماتطلبوش , والعناية ربانية , والبصيرة وجدانية , سم ناقع فى العـسل حطـوه ولينا , والأبالسة لينا قالوا , قالوا قالوا وياما قالوا , قالوا حرية وكرامة , قالوا ثورات الربيع , , قالوا إنسف القـديم , قالوا إحرق , قالوا إنهب , دى فلوسنا وحق لينا , قالوا إقطع الطريق , قالوا عـطلوا المصالح , عجزوهم , قالوا يسقـط حُـكم عـسكـر و خونوهم , قالوا شرطة , إسحلوهم , قالوا ياما شفنا منهم , طار وبايت , إقتلوهم , قالوا فوضى دى بداية وبيها إبنوا , للخراب دا كان علامهم , وفى البُنا مشيوا وسابوهم , هلهلوهم , قالوا بيهم إضربوهم , قسموهم , قالوا تحيا العـلمانية , ناحية تانية إسلامية يكفـروهم , والأبالسة , سم ناقع فى العـسل حطـوه ولينا , وفرقوهم ضيعـوهم , م السنين عـدت تلاته , لعـبوا بيهم , لعـبوهم , وربنا حافظ ولينا والعـسل ما أكلنهوش , وفينا شربه مغـمسوش , قتلوا روحهم وبأديهم , صبحوا ماضى , صبحوا ذكرى , طماعـين , والعسل لسه الجيران فيه مخدوعين , والنهاردة جاى تقول ليه فرحانين , ليه السعادة مالية دارنا , شوف يا سيدى , إنتصرنا , وإنتصارنا عالمكايد , عالفتن كان إنتصارنا , إنتصرنا عالخراب , إنتصرنا عالظلام , إنتصرنا عا إللى كانوا بيزرعـوا الفرقة مابينا , والنتيجة آديك شايفها , إحنا إحنا زي ما أحنا وربنا حافظ ولينا , يد واحدة دي إيدينا , والعـسل ما أكلنهـوش .

اقرأ ايضاً صفحات رأي متعلقة على جريدة احداث اليوم:

• العـقـل فـين !!!
• مصـر بتفـرح
• عـفـريت لكـل مواطـن
• ياخـيـر أمـة
• ألتراس مصراوى