أشرف صقر

انتخابات مجلس النوب

لا تـلـومـوهـم ولـومـوا أنـفـسـكـم

ملقوش فى الورد عيب قالوا أحمر الخدين , ناس عرفوا يتكلموا ولو كلامهم دين , بدينهم إتكلموا وليقيوا مُستمعين , الدين لكل الناس وليه كتير حابين , الدين كلام ربنا وملوش ياناس كارهين , الدين دا يبقى لغه يفهمها الجاهلين , سهله وبسيطه وكمان بتجمع الملايين , ناس غيرهم إتجمعوا ووقفوا فى التحرير , وبصوت عالى وصراخ , للمجلس العسكرى قالوا خلاص كارهين , جنزورى ليه رَفضنا وإحنا مُش عايزين , وخلاص هناك عينوا حكومه وموافقين , قالوا البرادعى رئيسها وهينقذ الملايين , من برج عالى الكلام , وشعبنا واعى , يوزن أموره بسرعه لكلام يِخش الودان , طب مين هيسمع ياناس كلام كده يفرق , ناس تدعى يارب قومه ونهضه ليها عايزيين , ناس تانيه سده الودان وصوتها مالى الميدان , وإللى ليه عايزين دا يهد ويخرب , فاكرين كلامهم صواب , لكنه وهم وسراب , عايزين تكون البلد سايبه ومن غير صحاب , الحكمه فين قولوا , وفين أدب الخطاب , ولسه برضه العبط ماسك أهو فيكم , فى كلامكم التريقه والرسم بالكريكاتير , دا حبيبنا المصطفى من سنته اللحيه , ومين بالتريقه هيستمع ليكوا , بتخلقوا أعداء بكلامكوا يا أغبياء , وبعدها تِعَيَطوا وتندبوا لحالكم , وتقولوا راحت خلاص للبرلمان مَلكوا , عايزكوا قبل الكلام تروحوا تتعلموا إزاى يكون الكلام , وفى حصه أولى تكون عن علم نفس الشعوب , فيها هتتعلموا لو يوم تعوزوا الكلام لابد تتعلموا من قبله لغة الشعوب , وقبل ماتلوموا غيركم , اللوم يكون ليكم , مطلوب علام ليكم .

اقرأ ايضاً صفحات رأي متعلقة على جريدة احداث اليوم:

اضيف بتاريخ: Thursday, December 8th, 2011 في 03:21

كلمات جريدة احداث: , , , ,

ردود to “لا تـلـومـوهـم ولـومـوا أنـفـسـكـم”

  1. ربيع محمد
    14/12/2011 at 01:05

    من ثورة يوليه ومن ايام الاتحاد الاشتراكى وكل المجالس السابقه لم تعمل لصالح الشعب كانت تسن القوانيين لصالح فئه معينه كبلوا الشعب بالضرائب وياريت استغلت لصالح الشعب انما حولوها لحساباتهم وكان الاعضاء مجرد طراطير كل همهم الحصانه واسنعاده ماصرفوه فى الدعايه من استغلال ونفوذ

اترك تعليقاًً على هذا الرأي