نتائج انتخابات مجلس الشعب 2011
لافتات في كل مكان .. صور لاشخاص يدعون ان لديهم عصا سحرية لحل مشاكل مصر خلاص شهور وايام قليلة .. اعلانات التليفزيون تحثك ليل نهار على التوجه للانتخاب وبأن امتناعك عن الانتخاب خيانة للامانة ولمصر .. المشكلة الحقيقية انه لا احد يعرف من انتخبه ولا برنامج الحزب او الفرد الذي اختاره و نقلت قناة الجزيرة وعدة قنوات تليفزيونية تقارير لمصريين ذهبوا فقط الى الانتخابات خوفا من الغرامة واختاروا المرشحين على العمياني والغالبية العظمى مش عارفة تختار مين وعلمت على اي حد والكلام ده بينطبق على الشباب قبل الكبار اللي يفترض جيل الفيس بوك والانترنت لكن مش مشكلة ..
المهم يارب تعملوا انتخابات مجلس الشعب كل يوم وتظهر النتائج ويعدلوها مليون مرة لان على قولة هاني رمزي مفيش فايدة مهما تعلموا ده اولا وثانيا المرشحين اظهروا جانب انساني وهما جايين الاحياء الفقيرة وبيوزعوا مما اعطاهم الله فياريت نشوف وشوشهم السمحة علطول وميقطعلهمش عادة وخلوا الشعب يعيش ومحدش يبات جعان …
اللهم ولي امورنا خيارنا ولا تولي امورنا شرارنا واخيرا لا حول ولا قوة الا بالله عايزيين يلموا فلوس من الشحتيين ولا بيناموا علي الرصيف اتقوا الله ولا تاخذكم العزة بالاسم