احنا رايحين على فين ؟؟؟؟ | انتخابات الرئاسة

رفيق فهمي

انتخابات الرئاسة

احنا رايحين على فين ؟؟؟؟

احنا رايحين على فين ؟؟؟؟ طيب وايه الي بعد كده ..؟؟؟ طيب وهل في حل ؟؟ ومين في الي موجود ينفع ؟؟؟ احنا رايحين لغد مشرق مليئ بالمفاجات الساره .. عن طريق التعليم والتوعيه والتثقيف العام لتوضيح الرأى ليتمكن الكل من الفهم وبالتالي امكانية تطبيق القانون على المسيئ وإثابة المصيب ( ولاكن من يطبق القانون يبقى ظالم لان اكتر من 45% من الشعب أمي كل شيئ من القراءه و الكتابه الى الثقافه العامه ومفاهيم الاشياء المختلفه بصفاتها ومسمياتها والكلام ده بيندرج تحتيه الكثير من المتعلمين ) .. فتح المجال للشباب (منغير خيار وفأوس) لأن هو ده الي مبوظ الدنيا وخربها ومش مخلي فيه عداله اجتماعيه .. ومن ضمن الحلول العمليه بالنسبه للتعليم والتوعيه والتثقيف مش محتاجين غير ان كل واحد مننا يعمل الي عليه ( ممكن تقولي بامانه كام واحد علمته ؟؟؟؟ برغم ان الموضوع ده مش محتاج اي مصاريف يعني ممكن تعلم حد او تعلمي ! في اي مكان ووقت بورقه وقلم ) ودي اول حاجه في الحلول بعد كده لو كلنا حطينا إدينا في إدين بعض بشوية ايمان واخلاص حنضف الشوارع و الحارات والازقه ونشوف مصر نظيفه تاني ( مش المطلوب غير تنظيف امام منزلك ولو كل واحد عمل كده وشوية تنظيم في رمي القمامه في اماكن محدده مش في كل حته وبعد كده الحي قام بدوره ومتكاسلش وعمال النظافه محولوش مهنتهم لشحاتين على الدكاكين والماره وعملوا الي عليهم وأتنصفوا في اجورهم ودي بس بدايه ندخل بعد كده على الثروات واحتياجتنا من النقد ( الفلوس ) حنلاقي ان احنا عندنا مجموعة وموارد تغنينا عن سؤال اللئيم الاساسيات الي كلنا عارفنها قناة السويس السياحه الي مشكوك في امرها طيب يبقى كده معندناش حاجه !!؟! غلط !!! احنا عندنا ثروات طبيعيه مش موجوده في كتير من العالم ومش بالوفره الي عندنا زي الثروات الطبيعيه ( الجير , الفوسفات , المنجنيز , النحاس , الحديد , الرخام , الاسمنت , الخ …) وفي كمان حاجه احنا نسينها او متناسنها ( الرمل (السيليكات)) الي بيتباع بالجرام الرمل الابيض النقي الي بيتعمل منه المكونات الذكيه للاجهزه الذكيه والزراعه الي لو تم استغلالها صح حنرجع ونبقى سلة غلال العالم ده غير البشر الي لو تم استغلالهم صح مش حيسفروا ويهربوا من البلد بره لا ده بره الي حيجلهم هنا (بس المهم العلم والتوعيه والثقافه ) ومن جهه تانيه عندك الموقع بوابة العالم على العالم يتفتح الشرق على الغرب والشمال على الجنوب يعني احنا منتصف العالم الاقتصادي جغرافيا يعني بشوية تفاعل وعمل وانتاج حنغير خريطة العالم الاقتصادية وبالتالي موقف النقد عندنا حيتغير بالتبعيه يعني عملتنا حتبقى مطلوبه يعني التضخم حيختفي ونلاقي الي كنت بتجيبه بعشره بقى بنص جنيه !!! وبإقتصاد قوي وسياسه مستقره متناغمه حتلاقي كل الي بيحربوك حوليك ومهيمنين عليك يتوسلوا اليك انك تخش معاهم في شغل لقوة اقتصادك فتدعم اقتصدهم المنهار (بص حوليك في كل دول العالم)..(بشوية علم , عمل , تنال حريتك , تعرف تعدل…) نيجي بقى للي حيدور المنظومه دي يا ترى مين في الموجودين ينفع ؟؟؟؟؟؟؟ بالنسبالي انا ولا واحد كلهم شباب فوق ال60 سنه يا سيدي ودول حيدوروها بقى من المكتب ولا من جوه الناس يعني حينزل ويشوف الناس ناقصها ايه ازاي بالمجهود والجهد الي حينبزل عشان يخش كل بيت وكل حاره وزقاق وغيط وعطفه ودكان وقهوه الخ… يبقى ازاي بقى …. !؟ وبعدين الناس دي مش مننا ؟!! موقفوش في طابور عيش مجريوش ورا اتوبيس ولا اتزنقوا في ميكروباص … بسيطه نشوف حد صغير بس يكون شبعان ومش عاوز الكرسي ولا لم يشوف حد فقير او غلبان او محروم او الخ… ميقولش يا حرام لا يا سيدي احنا مش عوزين عطفك احنا عوزين حقهم في عيشه كريمه مستوره ..( مش مننا ) حتديهم دول حقهم ازاي ليه المواطن بيتعالج على حسابه رغم حقه في العلاج ليه المواطن بيقف في طبور العيش رغم حقه اكل العيش ليه المواطن بينطحن في المواصلات رغم حقه في انه يركب بكرامه ومنغير طحن عشان ميرحش الشغل او المدرسه او الجامعه او الكليه او المعهد وهو خلاص استنفذ كل طاقته في المواصلات …!!؟؟ طيب لو الثروات البشريه المدربه الواعيه والجيلوجيه والجغرافيه الي اتكلمنا عليها سابقا استغلت وحصل توزيع عادل للثروات مش حنشوف اي حد غلبان ولا فقير ولا محتاج ده مش معناه منشتغلش مهو منغير الشغل مش حنوصل للرفاهيه ودي برضه البدايه ….. الحلول كتير والطريق والله سهل ومش طويل بس المهم الي يجي يكون عاوز خير للبلد مش ليه ولحاشيته … يبىقى ربنا حيوفق والبلد تبقى عاصمة الاقتصاد والثقافه العالميه مره تانيه زي مكانت زمان بس المهم نتوكل على الله بنيه خالصه ان احنا نبقى احسن ونحط ادينا في ايد بعض …. مش ممكن حد يعرف يرجعنا لورا تاني فالله المستعان

اقرأ ايضاً صفحات رأي متعلقة على جريدة احداث اليوم:

اضيف بتاريخ: Monday, February 20th, 2012 في 01:23

كلمات جريدة احداث: , ,

ردود to “احنا رايحين على فين ؟؟؟؟”

  1. مصرية
    21/02/2012 at 23:05

    لية كل كلامنا عن الناس ايلى مرشحة نفسها للرئاسة ونحدد ونقول ايلى على الساحة وكان الشعب اخطرهم هما بس وكان مطلوب من الشعب يختار واحد منهم بس لية من حق كل واحد فى مصر شايف انة يملك من المقدرة والبرنامج الانتخابى انة يرشح نفسة اظن ان هى دى الحرية ايلى احنا قومنا بسببها بثورة مصر وبعدين كل ايلى على الساحة شيوخ وعجائز ومن فلول النظام ومن العار على الناس ايلى مسوالة انهم يلمعوهم اكثير من هذا كفاية ولا عشان انهم بيدفعوا ويصرفو كتير طيب من اين لهم هذا طبعن من دمنا وفلوسنا هما كانو فين وحسنى بسرقنا كانو فين وحسنى بسجنا ويعذبنا الاجابة كانو فى حضن النظام بيدفو والان عيذين يكملو مسيرة حسنى كفاية ويرحمونا

اترك تعليقاًً على هذا الرأي