حقيقة ضعف الاقبال على الانتخابات الرئاسية

الإخوان بيعتبروا إن ضعف الإقبال على الإنتخابات نصر ليهم رغم إن مالهمش فضل فيه. قلة الإقبال دى لا علاقة لها بشعبية السيسى أو شعبية الإخوان. الحكاية إن الأهلى بيلاعب السكة الحديد والدنيا حر، والناس عارفة إن الأهلى خد الدورى قبل نهاية الموسم بأربع أسابيع وإن السكة الحديد هبط للدرجة التانية من نص الموسم، فطبيعى ما يجيش جمهور كتير.
لو الإخوان واثقين فعلاً من كثرة أعدادهم كانوا نزلوا بداية من تانى يوم للتصويت وأبطلوا أصواتهم وبكده تكون الأصوات الباطلة أكتر من الصحيحة. هى دى اللى كانت هتبقى فضيحة بجد وكانت هتخلى الإنكلاب يترنح. بس بعد نهاية الفرز السيسى هيبقى رئيس شرعى للبلاد والإخوان سيظلوا تنظيم إرهابى منبوذ من الشعب، وحمدين هيحاول الصعود للدرجة الأولى فى الموسم القادم!
وبالنسبة لشعبية السيسى، سواء انتخبه 30 مليون أو 10 مليون، كل دا مش هيفرق معاه بعد 6 شهور من بداية حكمه، إلا إذا الناس ابتدت تحس ان فيه تغيير بجد على الأقل على مستوى الأمن ولقمة العيش. لو السيسى عايز الشعب والعالم كله يرفع له القبعة بجد ولو عايز يحقق اللى عبد الناصر نفسه ما حققوش، يبقى لازم يفسح الطريق لإصلاح إقتصادى وسياسى حقيقى، ولازم يفهم إن الأمن الحقيقى هو التغيير وليس سياسة “يبقى الحال على ماهو عليه”!

اقرأ ايضاً صفحات رأي متعلقة على جريدة احداث اليوم:

• خَلْفَ النصب التذكارِىِّ للعقاد وطه حسين ومحمود مختار وزويل
• مصر الى اين وماذا تعطينا الدولة
• مصر تسير الى الافضل
• أوهام تجديد الخطاب الدينى
• ماذا بَعْدَ اسْتِئْصالِ الأُدَباءِ وَإغْلاقِ النَدَواتِ الأدَبيَّةِ يا مِصْرُ