يأهل بلدى فى كل مكان , لو تسمعوا لى هكون فرحان , حالنا وليه كنتم شايفيين , وربنا فضله علينا , حَنان ومَنان , فضله عظيم , من رحمته ولطفه علينا , غير وبدل فى الموازيين , القوه كان ليها أصحاب , نفوذ وسلطه وعز وجاه , وربنا لِحكمه بيمهل , لكن مايهمل للظالمين , بمشيئته سبب الأسباب , وكانت نهايه للطاغيين , فى أيام كتيير ( لأ ) دا بفضله , كانت أقل من العشرين , حولينا فى بلاد تانيه كتيير , قاعد على كراسيها فراعيين , إذلال وقتل , خراب ودمار , وكراسى حُكم وفيها ماسكيين , بالذمه مش كده إحنا فى خير , ونعمه بيها مش حاسيين , الشكر واجب للمولى , لكن فيه دايماً مُعترضيين , دى نعمه كان تحقيقها مُحال , ولازم نكون ليها حافظيين , طلباتكوا ليه كده مبتخلصش , وليه لحالكم مش راضيين , حريه أهى جت لينا , ديمقراطيه وليها عايزيين , وكله ييجى بالإنتخابات وبالنتيجه تكونوا راضيين , مش برضه هوا دا كلامكم , ودا إللى إنتم ليه عايزيين , فيه ناس وهتختار إخوان , وناس ولائها لسلفيين , علمانى ليبراللى كله له ناس , وناس لوطنى كمان عايزيين , وناس كمان بتقول ناصر وعلى دربه إحنا أهو ماشيين , وناس وناس فيه تانيه كتير ورا رايتهم أهو رايحيين , ولكل واحد منا قرار , ونكون لرأيه محترميين , ديمقراطيه دى وألا دى إيه , مش ده إللى إنتم عايزيين ليه , بتقولوا فيه تصحيح لمسار , ومظاهره إنتم ليها عايزيين , صعبان عليكم الإستقرار , ووقوف بلدكم على رجلين , وكل ما بيهدى لنا الحال , عفريت لعلبه إنتم ناطين , إحترموا روحكم يا ساده , وإحترموا إللى لينا ماسكيين , فيه حد منكم كان يحلم , إن مبارك مـ المساجيين , شفته أنا وكمان شافه , كل من كان له عنيين , إسلوبكوا ده أنا ليه رافض , وغيرى فيه ملايين رافضين , فوقوا لحالكم كده وإهدوا , وحاولوا حبه تكونوا راكزين , وحافظوا عالنعمه وكونوا لربنا مـن الشاكريين , خايف أنا والله تزول , عشان إنتوا دايماً كده جاحديين .
الله عليك يا أبن بلدى لما تهيب وتفوق وتحذر ولاد بلدى ,,, لو الكل يحاول يفهم ويشوف ,,, لكن للأسف فيه كتير ليهم مصالح واهل المصالح كلهم النهارده فى الميدان واقفين ,,, كل الباحثين عن قطعه من التورتايه فى الميدان بايتين وهابصلوا الجمعه وفى التليفزيون ظاهرين عاوزين يقولوا احنا أهو موجودين . يا مجلس يا حاكم هاتسبلنا أيه ولا أنتو على أيه ناويين ,,, بس ارجع وأقولك ,, كل دا كان لازم يحصل ,, ما هو احنا فى مرحله انتقاليه ,,, مرحله بلوره الحياه السياسيه والاحتماعيه فى البلاد ,,, مرحلة الفوضى الخلاقه ,,, والتاريخ زى ما بيسجل خوفك وحبك للبلاد هايسجلهم صراعهم على التورته اللى بتتفسم فى هذه المرحله الحرجه فى حياة البلاد ,,, وفقك الله دائما وارشدنا الله جميعا الصواب لما فيه مصلحه البلاد .
أنا لست من السذاجه أن أصدق أن ما حدث فى مباراه الأهلى من إستفزازات لقوات الشرطه هو نتاج لتصرفات الجماهير الفعليه للنادى الأهلى , ولكن فى تصورى إن ماحدث هو من فعل عفاريت العلبه و التى تريد أن تشحن الناس بأكبر قدر من الكراهيه والعداوه للقائمين على أحوال البلاد , عفاريت العلبه التى تريد أن تجعل من جمعه 9 / 9 هى أكبر حشد و تجمع للكارهين والناقمين على من يديروا أحوال البلاد , وهذا لأنهم يدركون حجمهم الطبيعى فى هذا البلد , وحديثى لهم أنتم الرافضين لمحاكمه المدنيين بالمحاكم العسكريه , ( لا ) ليس لأمثال من يريدون عدم إستقرار هذا البلد إلا الأحكام العرفيه , أيها العابثون المخربون قد ينفعل معكم بعض البلهاء والسفهاء ويسيروا خلفكم , ولكن فلتحذروا من ثوره ضدكم , فدم شهداء مصر لن يكون ثمناً لخراب مصر , وأقول للقائمين على شئوننا أن هناك ألغاماً كثيره متوقعه من عفاريت العلب , وأنتم المسئولين عن أمننا وأماننا وإستقرار بلدنا وهذا هو واجبكم ومسئوليتكم نحونا .