رسائل الدولة بقت واضحة جداً وصريحة ومش محتاجه مجهود كبير لترجمتها، اللى وصلني من رسائل عن طريق الرئيس عدلى منصور والفريق عبدالفتاح السيسي ان النظام اعلنها بكل صراحة ووضوح : المهمة انتهت.
الرسالة الاولى:
*نملك ضمانات ومعطيات وسياسات ومعلومات تضمن وضع جديد لمصر لم تشهده من قبل*
النظام يعتبر قال الرسالة دى وبيتكلم وهو موقفه قوى جداً وكلامه كله تأكيد وعن يقين مش شعارات .. دى التصريحات اللى جبت منها الرسالة:
1-منصور : ان المعطيات الحالية تثبت أنه بإمكاننا أن نصنع لمصر مستقبلا مشرقا.. فالأمل قائم, وأحلامنا مشروعة وقابلة للتحقيق
2-منصور: خطواتنا تجاه مستقبلنا ستكون كبيرة كبر التحديات وصادقة صدق الطموحات.
3-منصور:دولة مهيبة ووطن يرعي.. تلك هي مصر المستقبل…استشرفوا المستقبل.
4-السيسي:الشعب المصرى لا ينسي من وقف معه ومن وقف ضده. وإذا كانت مصر قى يوم هتبقى أد الدنيا. اعملوا حساب اليوم ده.
5- السيسي: لا دى هتبقى قد الدنيا، وبكرة تشوفوا والصغير منكم يفتكر الكلام ده عني هتبقا قد الدنيا.
6-سنحطم أوهام كل من يستعدي مصر شعبا أو يتعالي عليها وطنا.
الرسالة الثانية:
*الانتهاء من رسم خريطة التحالفات الجديدة ووضع اللمسات الاخيرة ونهاية الهدم وبداية البناء*
النظام يعتبر قال الرسالة دى سواء من خلال رموز الدولة او من خلال الاخبار اللى نزلت فى نفس التوقيت عن وضع اللمسات الاخيرة على هدم الارهاب والتحالفات العربية الجديدة وبداية بناء مشاريع بالتزامن مع الانتهاء من الهدم واعلان مصر قائد للمنطقة كلها.. ودى التصريحات اللى جبت منها الرسالة:
1-منصور: ندحر الإرهاب البغيض و العنف الأعمي .. ندحره أيها الإخوة كل يوم.. بل كل ساعة.. ونجتث جذوره البغيضة بدولة قانون.. ترعي حريات أبنائها وتحمي مقدراتهم.
2-أصدر الرئيس عدلي منصور قراراً جمهورياً بالموافقة على مذكرة التفاهم في مجال الربط الكهربائي بين مصر والمملكة العربية السعودية تهدف إلى «تحقيق عدة أهداف وهي: المشاركة في احتياطي قدرات التوليد بين الدولتين للاستخدام خلال أوقات الطوارئ والأعطال في شبكة أي من الدولتين مما يقلل من فترات انقطاع الكهرباء، وتبادل الطاقة، مما سيؤدي إلى التشغيل الاقتصادي الأمثل لمحطات التوليد لكلا الدولتين».
3-بالإضافة إلى إمكان استخدام خط الألياف الضوئية في تعزيز شبكات الاتصالات، ونقل المعلومات، بين الدولتين والدول المجاورة لها، مما سيزيد المردود الاقتصادي للمشروع.
4-زيارة الرئيس منصور للرياض غدًا لتكرس الشراكة الاستراتيجية المصرية ويرى أن هناك مصالح متنوعة ومتبادلة بين القاهرة والرياض سواء على المستوى الإستراتيجي أو السياسي أو الاقتصادي أو الأمني فضلاً عن التنسيق على المستوى الدولي
5- الرئيس عدلي منصور، يبدأ غدًا الإثنين، أول جولة خارجية له منذ توليه منصبه، حيث من المقرر أن يتوجه إلى كل من المملكة العربية السعودية والمملكة الأردنية الهاشمية.
6-أعلن الرئيس عدلــي منصـــور أننا نشرع في تدشين أولي الخطوات لمشروعين قوميين عملاقين هما تنمية منطقة قناة السويس وإنشاء محطات نووية للاستخدامـات السلمية للطاقـة في الضبعة.
6-منصور: حـان الوقـت لانطـلاق تنميـة حقيقيـة بالصـعيد.
7-السيسي: اسمحوا لي بالمناسبة دي أجدد التحية والتقدير والشكر لكل الأشقاء العرب اللي وقفوا جنب مصر.
8- السيسي: التفويض والامر الى قاله الشعب المصرى لجيشة بالحفاظ على مصر، نحن مسؤولين أمام الله وأمامكم يا مصريين وهنكمل التفويض ونقول كمان يا عرب عنكم جميعا.
الرسالة الثالثة:
*الاعتراف بالاخطاء القديمة واستعداد المؤسسات والشعب المصري اصبح مؤهل للتغيير*
هنا النظام قال اننا اتعلمنا من اخطاء اللى قبلنا والمؤسسات مستعدة وجاهزة والشعب اصبح مؤهل انه يبنى البلد والتغيير خلاص على الابوابو .. ودى التصريحات:
1-منصور: إن نصر أكتوبر فرض واقعا جديدا.. وفتح الطريق إلي السلام.. بعد أن طوي صفحات “الهزيمة والنكسة”.
2- منصور:إن كان قد طال تلك المبادئ الراسخة اعوجاج أو شابها إهمال فيما سبق فآن الأوان أن نقول إن تلك عهود قد ولت ولن نسمح لها بالعودة.
3-منصور: و حتي إن استلزم إصلاح العوار وقتا.. فطالما صدقت النوايا و بدأت الخطي فنحن بإذن اللــه ماضون نحو مرامينا..
4-السيسي: كان لينا قبل 67 حلم للمصريين، بان يأخذوا مكانهم ولكن هذا الحلم كسر في 67 وعاش المصريين ومن وراهم العرب آلام كبيرة قوى اللى يعرفها اللى عاشها وداقها، وانا بحاول افكر نفسى وافكركم عشان نستلهم من الآلام الدروس والعبر حتى لا تتكرر الالام مرة تانية.
5-منصور: أننا بعد أن شرعنا في تلك المرحلة التأسيسية ومع تنفيذنا لخارطة مستقبل مصر.. فإنني أتطلع إلي حراك مجتمعي حقيقي. بكل ما يتطلبه ذلك من مشاركة فاعلة من كل أبناء الوطن.مشاركة نشطة أدعو إليها وأشجعها.. يكون فيها للشباب والمرأة دورهم المهم والمستحق.
6-السيسي: مصر كلها مستنية منكم وعايزة منكم النضال في العمل والصبر والإخلاص، من فضلكم نشتغل ونصبر ونتحمل، وأوعوا تفتكروا إن قد الدنيا من غير ثمن، لكن فيه ثمن لازم ندفعه.
كده اقدر اقول مبروك النظام المصري قدر يسترد الدولة .. ومبروك على خريطة الادارة الجديدة اللى هتخلى مصر دولة محترمه .. ترجمة الكلام اللى ظاهره عاطفى ده باطنه نية سوده لاى علق نفسه يشمت فى فشل السياسات الجديدة اللى عمره ماهيشوف اللحظه دى .. النظام بيقول انا معايا ضمان و معلومات تثبت وتأكد ان مصر هتتحط فى وضع بين العالم عمرها ماكانت فيه قبل كده ومعانا خريطة تحالفات جديدة انسب وافضل من الاوضاع السابقة ومعانا قيادات اتعلمت من كل اخطاء القيادات السابقة ومعانا نية من كل المؤسسات والشعب اصبح مؤهل.
6 اكتوبر 2013 يوم تاريخي واحتفال بنصر جديد مش قديم بس .. واللى انتو فاكرين كلامه عاطفى ده هيطلع ابعد مايمكن عن المحن والحنية فى الاخر .. وبكرة تشوفوا مصر
