باختصار شديد : محاربة التنظيمات الارهابية و على رأسها الاخوان المسلمين الفترة اللي جاية مش هتبقى بالغشومية ..او بالتنكيل بيهم و رميهم كلهم في السجون و الكلام الفارغ ده ….صراع البقاء مع أيديولوجية الاسلام السياسي بكل أطيافه من بن لادن يميناً لأبوالفتوح و العوا يساراً ليه 3 محاور :
1-المحور الفكري\الثقافي : لازم العلمانيين يقدموا للمجتمع نموذج ثقافي واضح و محدد يوصلو بيه لكل الطبقات و يحطو طرحهم في مواجهة الطرح الاسلامي قدام الناس كلها…و الناس تحكم …..ده طبعاً للي هيحترم نفسه و هيناقش الفكر بالفكر و ينسى فكرة الجهاد و حمل السلاح و الاجرام ده كله. (مش زي ما عملو في فرج فودة كده)
2-المحور الأمني : و ده بقى للي هيقل عقله و يحاول يحارب الدولة…سواء بعمليات زي اللي بتحصل في سينا أو حتى الهجوم على قاعة أفراح تابعة للقوات المسلحة ….لازم التعامل بمنتهى القسوة مع الارهابيين ال HardCore دول …و لازم جميع الأجهزة الأمنية تعرف إن ديه المعركة الأهم للأمن القومي.
3-المحور المالي\التمويلي : و ده في غاية الأهمية ….الهيصة اللي حاصلة في فلوس التبرعات و الزكاة في البلد لا يمكن قبولها..و في الاخر بتروح لارهابيين يموتونا احنا بيها….حصل ده في السعودية أيام حرب افغانستان و بيحصل في مصر و سائر الدول العربية حتى الان……مافيش مليم المفروض يدخل جمعية خيرية أو ملجأ أيتام ….الخ الا أما الدول تعرف هوا رايح فين بالظبط….و عشان الاخوة النشتاء الكيوت ما يزعلوش …أي حد عايز يعمل أي جماعة تحت أي اسم أو نشاط له مطلق الحرية…حتى لو عملو جماعة شرب بول الابل ….بش تلتزم بقانون الجمعيات الأهلية و الدولة تعرف مصاريفها و مواردها بدقة.
ال3 محاور دول مع بعض هما السبيل الوحيد اللي يخلينا ممكن نطمن و لو شوية صغيرين ع المستقبل .
