اكاذيب الاخوان عن ثورة 30 يونيو

حقيقة أنا مستفز جداً من فكرة إن الاسلاميين و في مقدمتهم الاخوان بيروجوا لفكرة إن الديمقراطية انتهت بـ 30\6 …و إن الحكم العسكري رجع و فرصة الديمقراطية راحت..و إن الليبراليين و العلمانيين اللي مساندين للعسكر دلوقتي هيتكووا بنار الديكتاتورية ديه…و “أُكلت يوم أُكل الثور الأبيض” و الجو المبتذل ده…..للمرة المليون …الديمقراطية انتهت تماماً باعلان نوفمبر 2012 اللي ماحصلش زيه و لا في جمهوريات الموز و لا في كفر البلاص حتى ….اعتداء السلطة التنفيذية على السلطة القضائية بهذه الغشومية و الغباوة اللي قام بيها ارهابيو مكتب الارشاد و سكرتيرهم العياط نقطة واضحة و صريحة تنهي أي ديمقراطية..و بالورقة و القلم و زي ما الكتاب بيقول……..اللي منرفزني جداً بقى إن مافيش تقريباً حد في الاعلام بيركز ع النقطة دي بأي طريقة…و عمالين ندور في أفلاك أصله كان وحش ..أصل مصر كبيرة عليه…أصل خيرت الشاطر كان بيلعب له…..كلام فارغ و مرسل و مافيش أي حاجة ليه في ظل وجود كارثة واضحة زي ديه….ده غير بقى العمر اللي هنقضي في الفرجة على أكاذيب الاخوان عن الشاطر مرسي اللي كان رئيس شرعي و طيب زي كمال أبو رية و جه أبو رجل مسلوخة السيسي زأوا من ع الكرسي و قعد مكانه !

اقرأ ايضاً صفحات رأي متعلقة على جريدة احداث اليوم:

• خَلْفَ النصب التذكارِىِّ للعقاد وطه حسين ومحمود مختار وزويل
• مصر الى اين وماذا تعطينا الدولة
• مصر تسير الى الافضل
• أوهام تجديد الخطاب الدينى
• ماذا بَعْدَ اسْتِئْصالِ الأُدَباءِ وَإغْلاقِ النَدَواتِ الأدَبيَّةِ يا مِصْرُ