كـارت إتـحـرق

وأسد جريح , ودا بس إسمه عالورق , إسلام برىء منه قـناع بيستـأسـد وبيـه , لكنه كـان عـار عـليه , إسلام برىء منه , إرهاب غـبى , من غـير دماغ , ملهُـش عـقـل , شيـل القـناع وهـات إللى عـنـدك , إكشـف لى نـفسـك , الـديـن برىء منـك , كارت وخـلاص شـايفـاه عـنينـا بـيتحرق .
الكرسى راح خلاص وضاع , ربـك كبيـر , وميـرضهـوش دينه يكون عُـمله وبيه تمن لكرسى , وبيه تجارة دنيـا , بانـت نيتـك , تـُمهـل ياربى وتـختبـر , إخـلاص مـفيـش , الـغـش بقى مالى الوشوش , الكـدب غـيـره منسمعـوش , والـقـول كـلام إسـلام , وفـعـل ميعـرفـوش , ربـك كـبيـر , يُـمهـل ما يُـهـمـل , وفى يـوم عـطـاك المُـلك نـَـزعة مخـلاهـوش , دا المولى عـدل , وفى يـوم ما يظـلـم , معـزور مـهـو إنـت مـتعــرفـوش , وقـع الـقـناع كشـف الـوشـوش .
وشباب جميـل وبـقـلـب طاهـر , إتغـش فـيه , لِـعـب وبيـه , , رباه وتربية بالكلام , من صغـره كان ليه الكلام , فى دروس جوامع وإحتواء , رحلات كمان , وغـسيـل لـروس , مهـو أصله نقـش عالحجر, التربية , لما بتبدأ م الصِغـر , شباب برىء وبرمجوه , زعـلان عـليه , وربطـوا راسه وكتفـوه , مهمـوم وبيـه , وحـزيـن عـليه , عـلى طاعـة عـاميـه وعـلموه , الـفكـر دا يكـون للـزعـيـم , هوا الـوحيـد عـالـم عـليـم , الطاعـة واجبـة , بعـقـلهم ميفـكروش .
يـا شباب جميـل مضحـوك عـليه , أقـول لـكـم , أمريكا إيه يهمها , لبلـدنـا غـيـر يـوم هـدمهـا , شـوفـوا العـراق , وبعـدها ليبيا الجيـران , وكانت سودان شـوفـوا أهـلها , شـوفـوا خراب سوريا وبـإديـن شعـبها , إيه إللى فـاضـل عـندهـم , غـير مصـرنا , هيهـون عـليكم نبقى صـورة فى شاشة فــُرجـه للجميع , يتشفـوا فـينا , ودمنا سايـل بحـور عالأرض , وبلـد بتـولـع والخـراب شعـار ولـينا , هيهـون عـليكوا تـشمتـوا فـينا إللى كان , قـاعـد بيتفـرج عـلينا , هيهـون عـليكوا فى يوم يقـول الأمريكـان , كـارت إتـحرق كمان عـلينـا .
إحنا إللى نحـرق كارتهـم , وإللى بيه عـايـزينه لـينا , مصـر العـظـيمة ما تتحـرق , مصـرالعـظـيمة ما تتـسـرق , مصـر العـظـيمة جـدور فى أرض , مصر العـظـيمة شـرف وعـرض , إصحى وفـوقى يا بـلـد قـبل ماييجى يـوم يقـولـوا كان عـلينـا .

اقرأ ايضاً صفحات رأي متعلقة على جريدة احداث اليوم:

• العـقـل فـين !!!
• مصـر بتفـرح
• عـفـريت لكـل مواطـن
• ياخـيـر أمـة
• ألتراس مصراوى