اسأل أي إسلامي عن ما يسمى “حد الردة”
هتلاقيه متشبث بيه جدا
وأعتقد إني كتبت كتير في الموضوع ده ولسه هاكتب
لكن المشكلة دلوقتي إيه؟
إن إيمانه بحد الردة ده معناه إنه مؤمن بإن كل الناس في مصر، ماعدا فصيله والمسيحيين، يستحقوا القتل، القتل مش الإقصاء.
طبعا القرآنيين والشيعة والمتصوفين دول مرتدين بداهة بالنسبة
لكن كمان أي واحد بينكر ما هو معلوم من الدين بالضرورة، ودي بقى حضرتك ممكن تشمل البشر كلهم إلا هو.
جايز هو “دلوقتي” ما يقدرش يطالب بتطبيق الحد عمليا، لكن كل سعيه متجه لتطبيق الحدود، وأولها حد الردة.
وبناء عليه، مش قادر أستوعب أي كلام عن التفاهم مع الإسلاميين
تفاهم إيه؟ وعلى أي أرضية؟
يعني برهامي ده، ما نفسوش يقتل الكتاتني مثلا لأنه مش ملتحي، وبالتالي منكر للسنة.
والله، لو مسك الحكم وتمكن من الدولة ليعملها.
حزب النور ده ما نفسوش ينظم عملية بيع رقيق وجواري؟
الإخوان دول ما نفسهمش يخفوا كتب نجيب محفوظ من على الأرض؟
الشحات ده ما نفسوش يولع ف مصر لأنها أصلا حرام؟
حضرتك بتتكلم عن أي تفاهم؟
هو فيهم حد مقتنع بفكرة الدستور والقانون من الأساس؟
يا راجل، ده مرسي مسك كان تاني أسبوع عايز يقفل المحلات من الساعة عشرة علشان الناس تصحى تصلي الفجر، ولو تمكن من ده، ممكن يقطع الكهرباء من البيوت علشان يتأكد إن الناس نامت.
حضرتك بتتكلم عن أي تفاهم؟
دا انت لما بتسمعهم يتكلموا مع بعض، بتحس إنك رجعت ألف سنة من كمية المصطلحات الفقهية اللي بيستخدموها في حياتهم اليومية.
حضرتك بتتكلم عن أي تفاهم؟
دي ناس عايزة ترجع الأندلس، وبتلعن اليوم اللي المسلمين توقفوا فيه عن “الجهاد” وشايفينه حل للاقتصاد.
حضرتك بتتكلم عن أي تفاهم؟
عن أي تفاهم حضرتك بتتكلم؟
تفاهم بتتكلم عن أي حضرتك ؟
آنست
