لا مش هنسكت، نشتاء السبوبة وحمير الشعارات وأنصار “ثورة ثورة” بيعملوا دلوئتي أقذر ما يمكن انه يتعمل، بينشروا معلومات كذب وغلط عن استهداف للإخوان وقتل قواعدهم ومطاردة السلفيين في الشوارع وواحدة تقولك ده لحظة خطاب السيسي فيه واحد كان عايز يقلعني الحجاب في الشارع وضربته، وانقذونا عشان بيهاجمونا وأين نخوة المصريين والكلام ده!
الافلام دي كلها تهدف لشيئين:
1.جر التعاطف مع الإخوان وإقناع الناس إما بالسكوت عن مواجهتهم أو بالنزول لتأييد عودة مرسي على إنه شافيز مصر!!
2. إقناع المجتمع الدولي إن فيه في مصر تطهير على أساس الهوية عشان الإخوان يقولوا ان ده انقلاب عسكري ضد الرئيس وإقصاء بالقتل لطائفته، يعني من الآخر عايزين يخلوها سوريا أو رواندا!
أي مشارك في الهري ده يبقى خائن للوطن وللمصريين، سواء كان بجهل منه أو ادعاء مثالية كاذبة وقصة “إخواتنا في الانسانية” ولا للإقصاء والحوار ده ، ولا يمكن الناس تتعاطف مع كل الهراء ده وإلا هنتنفخ رسمي! الإخوان لو وصلوا لهدفهم هيطلعوا دين أبونا! بلاش الله يكرمكم!
