كل واحد فينا له حاجة مش ناسيها قوي
أعتقد كلنا مش ناسيين أي حاجة، بس فيه الواحد بيبقى مش ناسيها قوي
كشوف العذرية
سحل المواطنين
قناص العيون
جدع يا باشا
ميزانية الجيش
المعتقلين
المحاكمات العسكرية
تسريب الأموال
ماسبيرو
محمد محمود
مجلس الوزراء
حمدي بدين
…………………………….
أرجو إني أكون مش ناسي حاجة، فيه حد مش ناسيها قوي
بس هنحل كل ده مرة واحدة؟
لازم نقطة نبدأ منها
والأهم، لازم آليات للتنفيذ
اللي أنا شايفه واضح لحد دلوقتي، هو إن الحشد والإصرار هم أكتر حاجة فعالة
علشان كده، باشوف إن الحشد حوالين قضية واحدة، حتى لو مالهاش الأولوية بالنسبة لك هو الأهم دلوقتي.
دور كده، وشوف إيه أكتر حاجة إحنا ممكن نحققها في الوقت الحالي؟
أعتقد إن إنجاز الدستور هو أقرب النقط دي.
تعال نصر على دستور يمكننا من تحقيق جميع الأهداف، ويبقى هو ده مطلبنا جميعا، أو على الأقل مطلب الأغلبية.
تعال نبدأ نقاش مجتمعي حول هذا الدستور، والمواد المفخخة اللي لازم نرميها، والمواد التانية اللي لازم نضيفها
اجهز لأن هيجيلك لحظة، تلاقي نفسك قدام دستور لا يرضيك، وإنت عمال تقنع الناس إنه ما ينفعش، بس يبقى مفيش وقت ومفيش آلية.
الدستور أولا
