لماذا شارك الملايين في 30 يونيو

ليه الناس خرجت بهذه الكثافة الرائعة امبارح ؟..لازم نفهم بدقة حالة جماهير شعبنا …الناس خرجت لانها مرعوبة من استمرار حكم الاخوان وشايفة بشكل كويس جدا خطرهم على البلد …والناس شايفة احوالها المعيشية ف كل حاجة تدهورت كثيرا …والناس حاسة بالتدهور الامنى حواليها قد ايه …والناس مرعوبة من خطر افلاس خزينة الدولة لانها هيه اللى هتدفع التمن ..والناس مرعوبة من خطر الجماعات الارهابية ف سينا لان المواطن المصرى هو اول من يدفع تمن الارهاب …فى نفس الوقت مش لاقية قوة سياسية محترمة او حزب سياسى تثق فى قيادته(لإنتهازية الجميع )وعشان كده هتلاقى قطاعات عريضة من الناس حاطة املها ع الجيش (شئنا ام ابينا )…دى حالة الناس الفعلية …الناس فى ورطة ومش لاقية مخرج!!! …..كمان فى نفس الوقت فيه حالة انفصال بين حالة الجمهور وحالة الثوار الشرفاء بالفعل الرافضين للحكم العسكرى واللى اتقتلوا واعتقلوا على يديه قبل مجىء مرسى واللى كانوا بيقولوا يسقط حكم العسكر والمرشد …..هناك ضفة يقف عليها الجمهور …وضفة اخرى مختلفة للثوار ….وهنا يكمن السؤال :مالعمل ؟….وهناك خيط دقيق يفصل بين الانتهازية والثورية فى هذا الموقف ….فاصل ونواصل وربك المعين

اقرأ ايضاً صفحات رأي متعلقة على جريدة احداث اليوم:

• خَلْفَ النصب التذكارِىِّ للعقاد وطه حسين ومحمود مختار وزويل
• مصر الى اين وماذا تعطينا الدولة
• مصر تسير الى الافضل
• أوهام تجديد الخطاب الدينى
• ماذا بَعْدَ اسْتِئْصالِ الأُدَباءِ وَإغْلاقِ النَدَواتِ الأدَبيَّةِ يا مِصْرُ