أهــــل الفـشـــل

واحد يقوللى إيه يا عـم , مالك كلامك كله غـم , حبة أمل عايزين نعـيش , وألا الفشل غـيره مفيش , أنا قـلت صح , أيوه الفشل ده مش جديد , واخدين عـليه , شاربينه مُـر , مضحوك عـلينا , ملعـوب وبينا وفى كل يوم عـلينا مَـر .
كانت البداية من زمان , أهلاً جمال , الناصرية جت معاك , فى الشام كمان البعـث كان , والمشروعـين ليهم كلام عجب الودان , أمجاد ياعـرب أمجاد الوحدة هدف ويُراد , وإزاى يكون , وسياسة جاية ومن بعـيد , إضرب بإيدك الطويل , يعـمل حسابك القصير , ودا إللى كان , القدس ضاع ومن سنين , الضفة والجولان وسينا فى قطفة واحدة خلاص سوا بقوا مأسورين , ومؤامرات وخيانة حصلت بين خوات , وبلاد تضيع , وشعوب تجوع لأجل الكرامة يـوم تعـود .
مضحوك عـلينا , ملعوب وبينا , صَدام وبيه بقى فيه صدام , زعـيم ولعـبوا بيه لئآم , وإشارة خضرا عـشان مرور , مقـلب وساعـد فيه غـرور , دخل الكويت , وبإيده كان خراب لبيت , ممنوع يكون فينا زعـيم , والدم سال , إخوات لبعـض ودمهم عالأرض سال , وفـلوس ومال , وتضيع بلد ممكن عـليها كان يُعـتمد .
مضحوك عـلينا , ملعـوب وبينا , وإللى بيلعـب مش غـبى , عارف ظروفنا , فاهم لـنا , حاسس وبينا , إنسف تخلص من القديم , وشعـوب تقـوم من بعـد نوم , سموه ربيع , لكنه كان خريف عـصيف , إعصار وبيه راح ناس كتير , وخد معاه خيرات بلاد , والدم سال , أعـداء لروحنا , قاتل قتيل , هـزمنا روحنا والإنتصار دا للبعـيد , لعـيب كبير , فاهم لنا , شاطرين فى هـد , وللبُنا م الفشلانين , وإزاى يكون وكل واحد مِننا عامل زعـيم .
أما الخليج مافى منه خوف , طيب فى حاله الخليج , عايش بماله الخليج , وإللى بيلعـب مش غـبى , مسمار جحا هناك فى الخليج ( بُعـبُع إيران ) لازم حماية الخليج , محروس بماله الخليج , وإللى بيلعـب مش غـبى ودا مايُريد .
فين النجاح ؟ فين الفلاح ؟ دى حقيقة مُــره إننا مافى يوم مَـلكنا لأمـرنا , لأننا ملعـوب وبينا , وإللى بيلعـب مش غـبى والنصـر ليـه , دايماً نجاح , والوقـت بقى من غـير تعـب , من غـير حروب , من غـير سلاح , لأننا ودا شىء أكيد أعـداء لروحنا , وهـزمنا روحنا , والنصر ليه , لأننا أهــل الفشـل وده إللى بنجيـد بس لـيه .

اقرأ ايضاً صفحات رأي متعلقة على جريدة احداث اليوم:

• العـقـل فـين !!!
• مصـر بتفـرح
• عـفـريت لكـل مواطـن
• ياخـيـر أمـة
• ألتراس مصراوى