قــرد فى عـيـن أمـه

مبشوفـش نفـسى غـير بعـين الآخرين , لو شفـتها بعـينى … غـزال لازم أكون , قـرد فى عـين أمه المثـل قالها زمان , الناس مرايتى بدون رتوش صورتى تكون .
والصورة واضحة وكلنا فيه له عـيون , الدولة رايحة لأخونة والـوعـد كان , أنا للجميع , أنا بالجميع , والصـورة واضحة لكـل من وله عـيون , ماشين فى عـكس الإتجاه , راجعـين ورا , نفـس الوشوش , نفـس الكلام , بتقصـوا فيها تشيلـوا ناس وتبدلـوا وتغـيروا وشوش بغـيرها لكنها نفـس الوشوش , تقصـوا فيها وبيكوا بس تفصلـوا جلابية واسعة مرهضلة شايفهـا من فـيه له عـيون .
الصورة واضحة وكلنا فـيه له عـيون , الدين عـظيم , الدين جميـل , واللعـب بيه دا شىء كبيـر , خطفـتـوا بيه قـلـوب الكتيـر , لكنه فـين , إسلامنا فـين بتطبقـوه , إسلام وبيه وحدة تـكون , للفـرقة ليه تستخدموه , إسلام وفـيه الأمـر شورى وللجميع , تستأثـروا قـولوا بيها ليه , راكبين لروسكم , وإللى يعارض فـكركم بسرعة ليه بتكفـروه .
الصورة واضحة وكلنا فـيه له عـيون , إخوات لبعـض فى عـيلة واحدة ومننا فـيه أخ لينا كتيـر ومنه زعلانين , كتير ومنه غـضبانين , لتصرفاتة مُستائين , لكن أخونا مش هنا وعـاجبـه نفسه , بعـينه شـايفها غـزال , رافـض مرايتنا ودا يتسمـى إيـه …….

اقرأ ايضاً صفحات رأي متعلقة على جريدة احداث اليوم:

• العـقـل فـين !!!
• مصـر بتفـرح
• عـفـريت لكـل مواطـن
• ياخـيـر أمـة
• ألتراس مصراوى