يا حاج مرسي
بدون تحية طيبة عشان مش متعوّد أحوّر معلش ..
إسمع:
للأسف انت دلوقتي رئيس جمهورية مصر العربية، عارف إنك لسّة مش مُستوعب -صدّقني نص مصر مش مستوعبة برضة- وبصفتي مواطن مصري بالغ عاقل جامد فشخ، يبقى انت مجرد موظف في خدمتي، وبناءً عليه إسمع مني الكلمتين دول على م اخلّص اللي في إيدي:
دلوقتي النيابة بتحقق معايا بسبب بلاغ شديد الحماقة -عارفك بتحب الفصحى- وأنا الآن مُتهم بتهمة شديدة الحقارة وهي :إزدراء الإسلام .. تخيّل؟
بُص بقى يا ريّس، لو حريّة التعبير مش متاحة ليّ ولكل المصريين، يا ريت تجمد كدة ويبقى قلبك قاعد زيّي ورسّينا عشان واضح إن في ناس مش عارفة إن حصل ثورة .. تخيّل؟
بالمناسبة.. لو مفيش حريّة تعبير .. هتزعل وتجيب إخوان تزعل!
علي قنديل
ممثل وستاندب كوميديان مصري
مش مونولوجيست
