لكل صنعة سرها وأهـلها دايماً يحافـظـوا أكيـد عـليه , من أجل ميـزة تكون لها فـيها إختلاف عـن غـيرها تيجى الناس عـليه , ولكل مهنة أهـلها فاهمين تمام لسرها والفهـم نعـمة إللى يفـقـدها ( غـشيم ) يتقال عـليه .
الحُـكم دا فـن الإدارة , والشـطارة شىء أكيـد لازم وليـه , الحُـكـم مهنة لازم لها ( عـلى راسها ) عـارف سـرها فهـمـان وليه .
الحُـكـم صنعــة وســرها شايفـة بعـيـد عـن أهـلـها وعـشـان يكـون وبيـه ثـواب أنـا هأفتشـُه وهـسـربـه وألخصـه يمكن يجـيب النفـع لـو بـيه يُسـتجـاب .
يا من تريـد الحُـكم ومحبـة بشـر لازم حـاجـات تـلـزم وليـك , أهمهـا إنه يكون الـفعـل ليـك , يعـنى إنت فـاعـل مش تكـون مفعـول وبيـك , وعـشان دا يحـصل كـون مبادر وإقتـرح , متقـضيهاش ردود لـفـعـل , وبالمبادرة الكورة تبقى فى ملعـب إللى عايزها ليك , يحـتاس وبيها بتحـرجـه وده إللى كان بيـريـده ليـك , لازم يكـون عـندك هـدف قــُدام عـنيك , لـو فـيه هـدف تشتيت لجهـد مـهتلقيـش , بالعـكس فـيه تركيـز يفـيـد , أمـا الأمـور فـيهـا الأهـم فالمُهـم , أمـا الأهـم لازم يكون تركيـز وليـه , برضـه المُهـم العـيـن عـليـه , ولـو فى يـوم تعـوز نجـاح إشـرك وفـيـه كتيـر معـاك , لازم يحسـوا بـروح فـريق , وإن الهـدف ساعة ماييجى الفـوز يكـون جُـهـد الجميـع , ولـو المصالح تشتغـل وروح الأنانية تكون دا مستحيل راح ييجى فـوز , ولـو تعـوز تكسـب لغـيرك إفهمه ودا لو تعـوزه يفهمـك , فـهمـك وليه هيـوصـلك قـوام إلـيه , بالآخـريـن لا تستهيـن فالكـل يأتى بالـقـليـل , إياك تـحقـر أى دور مهما يكون فـعـلاً صغـيـر , مسمـار فى ترس يعـطـله ووراه تروس تعـطـل كتيـر , لو يوم تِحـس إنك مـلـكت لكل شىء , لو يوم تِحـس إنـك فهمـت لكل شىء , بكـدة تـكـون بـدأت نـهـايـة أكيـده لـيـك , لازم تكـون طالـب لعـلم الفهـم ليه تجـديـد وليـك , لازم تِحـس إنـك إنـت بالجميع , ويـد واحـدة عـُمرها ما فى يوم تسقـف وعــشان دا يحصـل يـلـزم لـهـا معـاهـا إيـد .
الحُـكـم بالحِـكمـة يـكـون , الصـدق فـيـه وعـهـود تـصــون , يامن تـريـد الحُـكم ومحبة بشـر يـلـزم لى إنـى أصـدقــك وقــت الكـلام , إعـلامى شاطـر والحروف م القـلب تـُخـرج مـش لسـان يقـرا سطـور مِتـرصصه ملهـاش لا طـعـم أو حـتـى لـون , أب وحـنـون لازم تكـون لـولـد شـقى عـلشان يكون هـادى فى يـوم , أخ وكبير تـقـدر تـِحَـوط عالجميـع , دا الـدم عُـمره مايبقى مَـيـه ودا لو تـعـوز للحُـكـم دوم , إيـديـك تِخبـط عـالبيبـان , إيـديـك مَاددها للجيـران , تـكسب صحاب ومتعـاديش , غـير الصحاب مهتـلقـيــش , ولما ييجى فى يوم شيطان بوسوسه بكلام وبيه يملا الودان , بتستعـيذ بالله وقــول شيطـان رجـيم , قـادر تلملم للشتـات , وتـكون كمان عـندك وِدان تسمع وبيها أنات ألــم ووجع كمان , زى ماتسمع مـداحين ومطـربيـن معـسـول كـلام , تسمع وبيهـا إللى وفـيه عـنده إعـتراض , تاخـد وتدى معـاه متعملـش بمثـل بيه تبقى واحـدة طيـن والتانية عـجيـن , آآآآهين دا لو ييجى الغـرور , دى النار بيخـفيها الرمـاد , والكـبـت بيجيـب إنفجــار .
يامن تريد الحُـكـم ومـحـبـة بشــر رُد عَـلـيـا الفـهــم إيـه , وصـلك كـلامى وألا إيه , دا الـفهـم نعـمة إللى يفـقـدها ( غـشيم ) يتـقــال عـليه .
يامن تــُريـد الحُـكـم ومـحـبـة بشــر الحُـكـم صنعــة وســرها أنـا قـُـلـتـه لـيك , والبـاقـى …. يبـقـى أكـيـد عـليـك .
أشـرف صقـر
احداث مصر
ســــر الـصـنـعـة
اضيف بتاريخ: Saturday, February 9th, 2013 في 21:00
كلمات جريدة احداث: أشرف صقر, احداث, مصر
