طبيعي توقيت اصدار قوانين الضرائب الجديدة و قرارات رفع الاسعار في قمه الغباء لكن ايقافه مؤقتا ليس الا لعبة.
مرسي بعد ما وقع القرار من يوم 6 ديسمبر صبيحة احداث الاتحادية واخفوه لاظهاره بعد الاستفتاء على الدستور ربنا حب يكشفهم وظهر بفضل الاعلام المحترم اللي مهددين من البلطجيه من عشيره مرسي لولا الاعلام ماكنا علمنا الا وقت التطبيق شكرا لدينا عبد الرحمن ومن فضح حكومتنا اللي بتشتغل في الضلمه !!
طبعا صبيحة الانتهاء من نتيجه الاستفتاء على الدستور الجديد سيطبق قرارات رفع الاسعار ولا يملك الرئيس محمد مرسي الا تنفيذ ما يمليه عليه الشاطر وصندوق النقد الدولي ودي اقل الشروط.
اما ارتفاع اسعار 50 سلعه لرفع الضرائب عليها ده الارتفاع المباشر اللي طبيعي حيدفعه المواطن من جيبه الشركات لن تخسر شئ اصلا !!
لا مانع من رفع اسعار السجائر والخمور وعلي من يشربها ان يتحمل ان كانت ضروريه له
اما اي سلعه اخري في التوقيت الصعب ده يبقي مبارك ونظامه تلامذه عند رأسماليه الاخوان اللي بيقنعونا ان تطبيق قرارات زي كده لتحقيق عداله اجتماعيه !! سبحان الله مش كفايه بقي كدب ولا كمان تخريف وعبط !!
الخمسين سلعه حيأثروا علي باقي السلع التي لم ترد بالجدول اي سلعه بيشتريها المواطن سترتفع اتوماتيك وده التأثير الغير مباشر يعني تنزل تشتري طعميه حتلاقي سعرها بقي الضعف علشان الزيت ارتفع !! تنزل تشتري خضار حتلاقي سعره ارتفع لان البياع غليت عليه اسعار السجاير والزيت والمواصلات !! وهكذا
تحديد 50 سلعة لن يكون هذا واقع الواقع كل السلع وكل الخدمات وكل ما تتعامل معه او تشتريه سيرتفع او ارتفع فعليا بعضها بمجرد معرفه القرار حتي لو تم التأجيل وحسبنا الله ونعم الوكيل في مرسي وجماعته وابقوا سلمونا علي العدالة الاجتماعية يا عشيرة مرسي واخوانه !!
