مشروع النهضة وتصريحات خيرت الشاطر الاخيرة اليوم

واللهي العظيم الناس دي بتفكرني بمسرحية العيال كبرت لما كان يونس شلبي مش عارف يجمع كلمتين علي بعض طول المسرحية بس في نفس الوقت كان لية دور رئيسي فالكوميدية المعروضة هوه ده اللي الناس دي بتقوم ية دلوقتي نفس الكلام ونفس الحوارات ونفس الأشارات الفاشلة اللي مبتقولش اي حاجة غير انهم ميعرفوش يحكمو بلد زي مصر ولا حتي قرية اصغر من مدينة لندن اللي بتعمل مخطط لوحدها علي مصر ( شكل الخريطة اللي كان بيبص عليها من ايام الحج المقريزي مع انو ممكن ميكونش ليه دعوة بالجغرافية )
هيفضاو يلعبو علي عقول الناس ويغموهم زي اللامؤاخذة فاكرين اننا مبنشوفش ولو بنشوف مبنفكرش ولو احتمال وهوه بعيد ينفكر نبقا عاجزين علي اننا نطلع اللي بنفكر فيه ده برا جماجمنا الشرعية والرئيس المتنخب ومشروع الصدقة قصدي النهضة والديموقراطية ……. وحدث ولا حرج وهمه عارفين كويس ان اللي انتخبوهم الناس الودنية اللي كانت خايفة من شفيق مع ان يمكن فيه نسبة كبيرة منهم مكنتش بتسمع عنو بس اهو الحج اللي بيتكلم ده عاوز نعمل اية في نفسنا عشان نصدقو مشروع نهضة ايه اللي حقيقي بس عاوز استقرار حقيقي في مصر يعني كنا نخدر الشعب ونسيبو في سبات عشان نديلو الفرصة يمخمخ براحتو وبعدين مش هوه اللي ربط نفسو بالوعود انو اول ما يمس التورتة هيقسمها بالعدل وهوه احنا اصلا لو كان عندنا استقرار ورفاهية زي ماهوة بيقول كنا عملنا هوجة والا زي ما بيقولو ثورة لية حابين نغير مثلا والا زهقنا من الروتين ؟؟؟ ماهوه عشان الوضع الزفت الاشكال دي قدرت تتسلق وتمسك الحكم اللي عمرها ما كان يخطر ببالها ولا فالأحلام وعشان كده همه متكالبين وعاملين كل العمايل دي ؟؟
وبعدين الموضوع يا حج مش شاطر مش محتاج مخططات الراجل فاشل من اليوم الأول مش عشان انا بتمنالو الفشل بس لانو فاشل واللي خلاه يبقا رئيس بالصدفة هوة هبل الشعب الغلبان الي عندنا وتصديقة لكل ما هوة يلبس عبائة الدين حتي لو شيطان رجيم خبيث يتحايل بكل الأساليب عشان يوقع البشر فالبشر وبعد كده يقول يا رب انا مالي ماهمة اللي سمعو كلامي ده بالزبط هوه اللي دول بيعملوه
مش مكالمات الفيديو والتليفونات المحمولة اللي لما الناس بتستشهد بيها بتطلعو عالفضائيات والدنيا كلها وتقولو مفبركة دلوقتي بقت منزلة ومينفعش منعتمدش عليها ؟؟ الكلام ده اعتراف صريح ان الناس دي عندها جواسيس في كل حته

اقرأ ايضاً صفحات رأي متعلقة على جريدة احداث اليوم:

• خطوات قيام الديكتاتورية والسيناريو المصري الان
• ايها الاخوان ابتعدوا عن الرئيس محمد مرسي
• رسالة إلى محمد بديع بعد المؤتمر الصحفي اليوم
• خروج مرسي من فلك الاخوان ليصبح رئيساً للشعب المصري
• التسريب السياسي للعقل الجمعي ــ النفور الثوري