مش عارفة ولا فاهمة حاجة بعد احداث مصر

مش فاهمة حاجة ولا عارفة حاجة هو ده اللي انا حاسه بيه تعبت من كل احداث مصر اللي بتحصل حولينا والله العظيم انا خلاص مبقاش عندي ثقة في اي حد ولا اي جهة سواء كان اعلام كداب منافق او شخص يقال عنه انه مناضل وكافح من اجل الثورة أو احزاب تكتب وتعترض وتقول وتقول………
عارفين ليه انا بقول الكلام ده عشان احنا عشنا ايام ثورة 25 يناير وكانت اسوأ ايام حياتي وده ليه عشان كان التليفزيون من ناحية يقول كلام ويهيب بالناس ومن ناحية اخري يخرجوا ناس ويقولوا كل الكلام ده كدب ومش بيحصل تيجي واحدة وتقول انا عميلة وانا وانا ويطلعوا بعد كده يقولوا انها كانت متفبركة وبعدين يجوا ويقولوا شباب الثورة كلهم عملاء من امريكا ومن هنا وهنا وبعد كده نعرف انه كدب ويقولوا شباب بيأكل كنتاكي وشيكولاته
وغير ده وده انا حقا متأثرة تماما بما جري للرئيس حسني مبارك ( ويا جماعه والله العظيم مش بدافع عنه ولا حاجة )انا عارفه ان الدنيا كلها كان فيها فساد وظلم لكن ان بتكلم علي الطريقة نفسها اللي عالجنا بيها الامر مش الاهانه ولا السب مش مصر ولا شعب مصر اللي يعمل كده احنا انضف من كده

اقرأ ايضاً صفحات رأي متعلقة على جريدة احداث اليوم:

• الحذر ياشباب مصر الكنانه
• عصر الظلم والفساد والفرعنه
• محاكمة حسني مبارك غير ممكنة لهذه الاسباب
• الانظمة العربية الحكام ومن حولهم والغباوة
• كيفية حل ازمة المياه بدول حوض النيل