كـــلام وبـــس

قـلمى فى إيـدى والـورق وهـيكـتب إيه , قـلمى وقـف , إضـراب عـمل وإعـتصام ودا حـق ليـه .
قـلمى العـزيـز طب قـوللى إيه أعـمل ولـيك , إيه بـس قـوللى مـزعـلك … منه كمان صعـبان عـليـك , رد القـلم طب هاكـتب إيـه , هاكـتب كـلام , مخلاص أنا كـاره وليـه , رديـت عـلـيه , كـاره ولـيه , طب قـوللى لـيه , رد الـقـلـم … عـلشان كـلام , وإللى بيجـرى فى الـبـلـد بـس الكـلام , كــلام وبــس , الـفـعـل فـيـن , عـشان كـده رخص الكـلام , عـلشان كـلام , كــلام وبــس .
أربـع شهـور دستـور وفـيهـا بيـتـكـتب , وياريـت خـُـلص … عايـزيـن كمان يـمـددوا الـوقـت ليـه , مـش دا الـكـلام , كـلام يـغـيـظ , وفـضيحة فـيها مصـرنـا أم الحضارة الـناس عـلـيها ضاحكـيـن , هـُوا إختـراع وهـنختـرع , دساتـيـر كـتيـر عـنـد الـدول , وعـنـدنا مـوجـود كـمان دساتـيـر , وأسـاس عـليه بيـكـون بـُنـا , وألا إنـتـوا شاطريـن فى الخـراب وللـبُـنا م الـفـشلانيـن … يافـنجـرية بـالكـلام … الـفعـل فـيـن .
كـلام وبـس , إخـوان خلاص وسيطـروا عـلى البـلـد وهـيمـلكـوا فـيها كل شىء , مـش ده الكـلام , طب إنـتـوا فـيـن , م الشارع المصـرى إنتـوا فـيـن , ملـكـوش وجـود , الحجة إيـه , دستـور مسيـره هـيـنتهـى وبعـدها فـيه بـرلمان , عـملـتـوا إيـه تجهـيـز وليـه , م الشارع الـمصرى إنتـوا فـيـن , والبـرلمان والغـلبة للإخوان … هـتكـون أكـيـد , وبعـدها هـيكـون كـلام , إخـوان خلاص وسيطـروا , نـفـس الكـلام إللى إنتـوا شـاطـريـن فـيه , كـلام وبـس .
والإقـتصاد بقى فى الحضيض , وشحـاتيـن بنـمـد إيـد , وجـيـران ولـينـا , عـينهـم عـلينـا , وكـل يـوم فـيه إعـتصام , وإضـرابات , ووقـف حال , وتنـابـله نايميـن فى العـسل , عايـزينهـا عالجاهـز تكـون , الـصبـر فـيـن , فـيـن العـرق , وألا خلاص البـلطجة غـلـبت , لـوى الـدراع لغـة الكـلام , لـوى الـدراع هـوا الكلام , الـفعـل فـيـن , العـقـل فـيـن , إصحـوا وفـوقـوا وصحصحوا , الـناس عـلينـا باصـيـن , يا إللى إنـتـوا شاطريـن فى الـكلام , الـفـعـل فـيـن , كـلام وبـس .
جيشنا العـظيـم له كل تقـديـر وإحتـرام , بالـفعـل كان مـش بالكــلام , والـوقـت يتـردد كـمان جـيـشنا العـظيـم حصن وحصيـن , وسنـد يعـيـن , مـش دا الكـلام , الـوقـت وفى سـينا قـلـق , والـقـنبـلة فـاضل لها شـد الفـتيـل , ومـديـر لأمـن يـقـول كـلام , أشبـاح وبـنـطارد هـناك , مـش دا الكـلام , جيـشنـا العـظيـم حصن وحصيـن , إزاى يكـون فى يـوم مـيتـقـال دا الـكـلام , أشـبـاح وبـنـطارد هـناك , والقـنبلة فـاضل لها شـد الفـتيـل , وبعـدها نـرجع ورا من السـنيـن خـمسة وفـوقهـم أربعـيـن , أشـبـاح وبـيـطارد هـناك , حـصن وحصيـن , الإتـنيـن كـلام , صـح الكـلام .
كـلـه كـلام , سـامـع كـلام , شـايـف كـلام , وخـلاص قـرفـت من الكـلام , رخـص الكـلام , ويـوم مايـبقى الـفعـل بيـه هأفـرح أكـيـد , هأرجـع ولـيه , هأرجع وأفـض الإعـتصام , دا كـلام قـلـم رافـض الكـلام , والحـق لـيه , صـح الكـلام .

اقرأ ايضاً صفحات رأي متعلقة على جريدة احداث اليوم:

• العـقـل فـين !!!
• مصـر بتفـرح
• عـفـريت لكـل مواطـن
• ياخـيـر أمـة
• ألتراس مصراوى