مع المجلس العسكري ضد التآمر عليه

أنا مش عارف الناس كلها بقت ضد المجلس العسكري ليه؟؟؟ و إحنا عارفين كويس جداً إن الجيش بمجلسه العسكري كان في انعقاد دائم قبل تنحي مبارك و هو اللي مقبلش إنه يخضع لإرادة مبارك و نظامه بقتل الشعب الثائر ، و إن المجلس العسكري هو اللي حمي الثورة و الثوار. و لحد اللحظة اللي باكتب فيها الكلمات دي استطاع بكل حكمة و اتزان أن يضبط نفسه إلي أقصي درجة برغم الاهانات و الافتراءات اللي بتتقال عليه. وبرغم إني مسيحي وكنت حزين جداً علي اللي حصل في ماسبيرو و اخوتي اللي استشهدوا هناك في شهر اكتوبر 2011 ، إلا إني مش باكره المجلس العسكري لأنه ضبط نفسه جداً حتي هذه اللحظة. يا جماعة فاضل أقل من شهرين علي انتهاء دور المجلس العسكري و كل حي هيروح لحاله. اصبروا بقي مش ممكن الغباء و الجهل و التخلف اللي كل القوي السياسية المعارضة فيه؟. بجد بقينا مقرفين و العالم كله بيستهزأ بينا و إننا كلنا بنخوِّن بعض و محدش مصدق التاني و كله بيهاجم كله. يا رب محتاجين تدخُّل قوي و عظيم من عظمتك لأنك ضابط الكل و لك عينان تخترق أستار الظلام ، و الكل مكشوف و عريان أمامك ، أنر بصائرنا و بصيرتنا حتي نعلم إرادتك و نحياة حياة سالمة هنيئة و ينعم أولادنا و كل الأجيال من بعدنا بالحرية بكل ما تعنيه الكلمة من معاني جميلة و مسؤلية. أمين

اقرأ ايضاً صفحات رأي متعلقة على جريدة احداث اليوم:

• خَلْفَ النصب التذكارِىِّ للعقاد وطه حسين ومحمود مختار وزويل
• مصر الى اين وماذا تعطينا الدولة
• مصر تسير الى الافضل
• أوهام تجديد الخطاب الدينى
• ماذا بَعْدَ اسْتِئْصالِ الأُدَباءِ وَإغْلاقِ النَدَواتِ الأدَبيَّةِ يا مِصْرُ