مبروك مُبارك أكيد سعيد , فاكر كلامك ومش ناسيه , فى يوم مقالوا فيه برلمان هيكون موازى وهيبقى عين , فاكر كلامك وإنت بتضحك , تسالى ليهم خليه يكون , والكل يضحك ويسقفولك , كانت البداية , والكل يغلى والكل شايط , وإنت مبارك ملك الهدوء , والكل ثاير غايظه الكلام , والدنيا ماشيه , فيه نار وراقدة تحت الرماد , فيه نار وماليه قلوب الشباب , طب جت منين , أيامها كان فى البلد كبار , أيامها كان فيه هدف وطار , كان فيه كبار , مبروك مبارك , الكل فركش , الكل طار , صَدق كلامك فى يوم ماقولته للأمريكان , أنا إللى ربيت وأنا إللى فاهم دماغ ولادى , ودول ولادك , أهداف قالوها وحددوها والجيش معاهم يقول بلادى , يقول ولادى , والدنيا ماشية وكله عال , كان فيه كبار , يوحدوهم ويجمعوهم ويشحنوهم , أهداف كبيرة لازم تكون , كتروا ولادك , ولاد مبارك أيوه كتير, طب يبقوا مين , ثوار وكانوا , بقوا ولادك وفى الميدان , وكل حبه ليهم كبير , ليهم مِنصه وفيها يُخطب ويقول كلام , مبروك مُبارك الكل فركش الكل طار , شاشات كتير والكل قاعد والكل شايف , شاشات بتضرب الناس فى بعض ويفرقوهم ويسخنوهم , وكل شاشه من دول ولادك , كل إللى فيها وشغله ليك , أمريكا ذاتها بقيت أبوها , تعمل وليك , ملايين بتصرف ملايين بتدى وللولاد , خليخ ملوكه بقوا ولادك , والكل شايف منعوا المعونه بيركعونا وقالوا علينا الشحاتين , عشان عيونك عملوا الملوك , كِتروا ولادك , موظفين فيهم ومنهم كتير ولادك , ومجموعات حبه فى مظاهرة غيرها إعتصام , والكل شايف إيه إللى صار , أكيد ولادك , فى ماتش كورة كمان ولاد , ولاد وليك , ولاد كتير , كل إللى يضرب شرطى بطوبه ده إبن ليك , كل إللى قال لحكم عسكر عايزيين سقوط دا يبقى إبنك , كتير مبارك , كتير رموز وكتير أسامى , والكل عارف بيكرهوك , خلاص مبارك بقوا ولادك , حتى إللى رشح نفسه لرياسة وكان فى حُكمك بقى إبن ليك , كتيير ولادك صدق مبارك , كل إللى يسرق كل إللى يحرق كل إللى يقطع فى يوم طريق ده إبن ليك , كل إللى عايز عصيان وإضراب من الكبار ومن الصغار بيكون حبيبك , مُخلص وليك , مبروك مبارك مبروك عليك , كتروا ولادك وفى يوم وذكرى ليوم رحيلك بيكرموك , عارف دماغـك , شايفك بتضحك , شايف الشماتة ماليه عنيك , حقـك مبارك , مش ده عملهم , إيه النتيجه , فى يوم رحيلك جابوا ليك هدية أحسن هديه جابوها ليك , عملوها فوضى وعالصينيه الدهب كمان وقدموها , أجمل هديه من الولاد هتبقى إيه غير إللى يحلم وبيه أبـوهـم , مبروك مُبارك ليك إنتصار , والبركة فيهم حبة عيال .
انا مش اقدرة افهم هانوصل لفين يارب استر واحمي مصر