غـُـلـب حُـمــارى خــلاص

من غير ذواق الكلام هيكون ومن غير سلام , قلت زمان فيه كتير من شعبنا مُحدثين , حريه ليها جاهلين , وقلت مُتخلفين وبيكوا ناس لاعبين , وقلت فيه ناس كتير لخراب بلد عايزين , قلت كمان فلتانين من غير لجام سايبين , عايزينها من غير كبير قلت زمان ليكم , قلت التنابله كتير وإيدين كتير ممدودين , إيدين كتير شحاتين لحكومه أهو واقفين , وكتير كمان فى الميدان فيه ناس كتير واقفين قاعدين ومش ماشيين , ده إللى فيه فالحين , قولوا كلامكم فين ومين سمع ليكم , لما بقى برلمان ظهر كتير ندابين , يولولوا فى الميدان مسكوها الإخوان , لأ والمصيبه كمان عالبرلمان هاجمين , وللى فيه شاتمين , وبالخيانه تاهمين , البلطجيه كتير, والبانجو والبرشام لحس دماغهم تمام وفيه كتير صيادين , الصيادين فى السجون كانوا زمان أسياد , وكتير إيدين ليهم تلعب بروس العباد , الصيادين من بلاد عايزينا عِبره نكون ونبقى فرجه فـ شاشات وحالنا أهو إنفلات , ولسان صورنا يقول آدى جزاة إللى ثار فى يوم على الحكام , ناس تانيه صيدهم يكون وقوع بلدنا فـ إيدين ليهم تقول آمين , ليهم كمان ساجدين , دى بلاد هدفها يكون لازم نكون واقعين , رجلينا مِتكسرين لازم نكون عاجزين وفينا مِتحكمين , م الصيادين فيه لصوص لبلد وليها ناهبين ولما يبقى إنفلات يومها يكون تشتيت لعيون كتير تنعمى على إللى ليه قاصدين , أما النهارده الكلام الأمن فين والنظام , بيقولوا الأمن فين ويقولوا فين النظام , مع مين يكون الكلام مع شرطة لو مسكوا واحد هتقوم عليه ثورة , دا لما مسكوا الحرامى والبلطجى وضربوه قالوا حقوق إنسان , بيقولوا قال النظام مع مين يكون قولوا , الفوضجيه كتير , كله فـ بلدنا مُباح , كله فـ بلدنا مُتاح , دى ثورة دى وألا إيه , الدم بقى ليه رخيص , الدم قولوا تمنه إيه , الدم بقى تمنه فوضى وفتنه فيها عايشين , ده إللى ليه عايزيين , خليكوا مِتدهولين خليكوا لينا فاضحين , غـُلب حُمارى خلاص متقولوا إيه عايزيين . . .

اقرأ ايضاً صفحات رأي متعلقة على جريدة احداث اليوم:

• العـقـل فـين !!!
• مصـر بتفـرح
• عـفـريت لكـل مواطـن
• ياخـيـر أمـة
• ألتراس مصراوى