نـقـطـة ومـن أول الـسـطـر

سنه أولى خلصت خلاص , سنه أولى أصعب سنه , سنه أولى فيها المدير العسكرى والمُشير , أما البشر أنواع ولكل واحد دماغ , سنه أولى والكل فيها كانت غريبه عليه , سنه أولى والكدب خيبه فيها ناس كتير فاشلين , أصل البشر إللى فيها عليها مش واخدين , وشفنا فيها غـباء وهـوج وعـقـل وذكاء , سنه أولى كانت كبيسه مليانه بالأحداث , وفيها ناس تشتغل وكتير تلاقى مِحتاس , وناس كلامها صراخ , وناس كلامها نباح , وناس كلامها بتأنى وأدب وكله هدوء , وناس تبص لوشوشها تلاقى فيها شرار , وناس ضحكتها دايماً تشوفها ماليه الوشوش , سنه أولى فيها تريقه وسخريه بالعبيط , ناس تانيه فيها التواضع والضحك جوانى , وخيال فى بالها يقول بكره هنضحك عليكم وخبيتكوا تملا الغبيط , سنه أولى فيها إنفلات , مليانه إعتصامات , سنه أولى فيها وقف حال والكل أهو شايف , سنه فيها من الناس كتيرعلى بكره كمان خايف , سنه أولى فيها الحكيم يقولوا بواس إيدين ويقولوا دا مسقفاتى ويقولوا دا مغنواتى , أما سليط اللسان وللأدب جهلان يطلعوه فى السما , وكتير نجوم فى السما عالأرض بقوا محروقين , سنه أولى إنت وأنا عنها سوا مسئولين , والكل شاف النتيجه , والكل شاف الحصاد , سنه أولى خلصت خلاص , آخر كلام إنكتب فيها دا كله نجاح , أيوه بأقولها نجاح , تقدير وللعسكرى نيشان جديد عالصدور , سنه أولى خلصت خلاص ونجح خلاص فى العبور , سنه أولى آخر كلام بينعقد برلمان , ورئيسه شفتوه معايا , رئيسه من الإخوان , سنه أولى آخر الكلام للمجتهد النصيب , والكل شاف النتيجه مين فيها إللى كسب ومين كمان خسران , مين فيها إللى ضحك , ومين كمان زعلان , سنه أولى كان إختبار والكل أهو إتعلم , وإللى إتكتب إتكتب وإللى كان أهو كان , آخر كلام فى السنه بقى عندنا برلمان , آخر الكلام بعده نقطه نقفل وبيها السنه , بقى عندنا برلمان .
من أول السطر بدأت سنه تانيه وحساب جديد , أول كلام يتكتب عالسطر يملا العيون فى مصر بقى برلمان , للعـسكرى كان عـبـور وللبـرلمـان إمـتحان , وكلامى هنا للجميع خسران كمان كسبان , سنه ومشيت خلاص وإللى كان أهو كان .
فـى مـصــر بـقـى بــرلـمـــــــــان

اقرأ ايضاً صفحات رأي متعلقة على جريدة احداث اليوم:

• العـقـل فـين !!!
• مصـر بتفـرح
• عـفـريت لكـل مواطـن
• ياخـيـر أمـة
• ألتراس مصراوى