أشرف صقر

احداث مصر

صــفــر مــن عَــشــرة

دى نتيجة الإمتحان إللى بقاله يومين صفر من عشرة , بأقولها للإخوان فيكم كتير كسبان لكن النتيجه اليوم صفر من عشرة , للمجلس الإستشارى وفى أول إمتحان كانت نتيجتة كمان صفر من عشرة , يابرادعى عامل كبير سقطت فى الإمتحان ونتيجه خايبه تكون صفر من عشرة , أحزاب كتير كرتون نتيجتها إيه هتكون غير صفر من عشرة , شيخ حازم أبو إسماعيل يا إمام وحواليك كتير سقطت فى الإمتحان وصفر من عشرة , يا كل شغال سياسه بلسانه بيقول كلام خايب نتيجته تكون صفر من عشرة , قنوات فى تليفزيون خاصه لكلامها بقول صفر من عشرة , يابتوع اليوتيوب والفيس بوك أقول صفر من عشرة , ياشباب يامتعلمين من جامعه متخرجين سقطتوا فى الإمتحان وصفر من عشرة , يا كبار يامحترمين ليكم عنين شايفين لكن سكوتكم ليه صفر من عشرة , يا جُبنا يا خايفين وفى العيال نافخين ولكدبة الثوار كدبوها ومصدقين صفر من عشرة , يا كل من هان بلادى وخلا فرحها حزين صفر من عشرة , أقولها للأغبياء إللى سبب فى الداء مرتزقه ومأجورين صفر من عشرة , بيكم كده كلكم إزاى بلدنا تقوم , دا كلكم ساقطين ونتيجه تكسف تكون صفر من عشرة , مجلسنا ياعسكرى الكل سابك وحيد ولو تكون غلطان ليك عشرة على عشرة , جنزورى حاسس بيك والمسئوليه عليك وربنا يعينك وربنا يقويك , دا إنت فى إمتحان , والكل عينه عليك , يتمنوا ليك السقوط , للمخلصين إللى زيك ربنا حافظ , وبإذن ربك هتنجح لو يمُكر الماكرين , وأصبر دا رب العباد دايماً مع الصابرين .

اقرأ ايضاً صفحات رأي متعلقة على جريدة احداث اليوم:

اضيف بتاريخ: Sunday, December 18th, 2011 في 14:58

كلمات جريدة احداث: , , , , ,

2 رد to “صــفــر مــن عَــشــرة”

  1. سياف
    19/12/2011 at 08:50

    تعليق عادل سيف جميل جداً وبخصوص المقال يبدو ان الكاتب من المصقفتية

  2. عادل سيف
    18/12/2011 at 19:14

    بجد وبدون مبالغه انت عشره من عشره ,, ونتيجتك النهارده مع بدايه العام الجديد على الحيطه هاعلقئها تفكرنى بخيبة ناس كتير قال ايه عاوزه تاكلها وتشربها , ناس النهارده راكبين موجه عاليه واكلين ناسهم والناس مش داريه , ولان نتيجتك عشره من عشره الشعب يريد تغيير الشعب بناس تانيه , بناس واعيه وفاهمه خاليه من الجهل والمرض والاميه الدينيه , واقولك كمان احنا فعلا محتاجين ثوره ايمانيه وذمه ماليه وطنيه ,,, تحياتى للانسان الحر اللى جواك ولكل كلمه بتقولها .

اترك تعليقاًً على هذا الرأي