مـطـلـوب لـنـا إعـتـزار

عايزنها خربانه يا بشر يا سعرانه , عايزينها من غير كبير وتبقى فلتانه , تلكيكه وإتعملت , والناس أهو إتلمت , وبيشحتوا العطف مِنا بجثث لمييتين ولغيرهم إتخنقت , هيبه بلدنا ترووح داخليه وإتضربت , بيقولوا قال إعتزار دى الآيه إتقلبت , بيقولوا يمشى المشير , طب مين كبيركم يكون , دا مفيش كبير فيها , سايبينكوا واقعين فى بعض وفيكوا مش سائلين , فيران خلاص هربت , حسوا بفشلهم أخيراً وقيمتهم إتقلت , سايبينكوا متورطين والزنقه أهو حصلت , غالب ومغلوب بقت , والحرب أهو بدأت , فوقوا لروحكم شويه , دا أكل عيشهم عليكم وأهى سيما وإتنصبت , خلاص بقينا فضيحه وفرجه للشمتانين , والست هانم لميس قاعده وبتنكت , دا حالنا إحنا فى بعض , شوفوا الغريب يعمل إيه , بقينا نكته خلاص ولبانه وإتمضغت , أقسم بربى العظيم الناس خلاص قرفت , عايزينها ملاكى , كل إللى يطلب ينول وللميدان النزول , بقت خلاص اللغه لوى الدراع على طول , مجلسنا ياعسكرى بلدنا دى كبيره , قيمتها فوق فى السما هيا وفى عنينا , لو بيكوا تصغر تكونوا صغار فى عنينا , الهيبه لازم تكون وللبلد الإحترام , وإللى يفكر يهينها دا ينضرب بالحزام , المسئوليه عليكم مش فضل منكم علينا , الهيبه لازم تكون دا عليكوا كل العيون , وكلنا فاهمين وكلنا شايفين , لو للكلام مجانيين سامعين كتير عاقلين , سامعين كمان شايفين , أقسم بربى العظيم الناس عايزينكم , بس إللى ليه بنشوف بيهز هيبتكم , وَرُونا منكم أماره دى الحرب خدعه وشطاره , بس إنتصار فى النهايه لبلد بعزه وكرامه , دا إحنا الكبار من زمان , ضِحكوا علينا الصغار , ضحكوا علينا بسببكم , مطلوب لنا إعتزار .

اقرأ ايضاً صفحات رأي متعلقة على جريدة احداث اليوم:

• العـقـل فـين !!!
• مصـر بتفـرح
• عـفـريت لكـل مواطـن
• ياخـيـر أمـة
• ألتراس مصراوى