قبل ما أتكلم عالعسكر والإخوان , لازم تعرفوا قبل كلامى مين العسكر ؟ مين الإخوان ؟ أما العسكر هما الجيش , وإيه الجيش ؟ فيه له خطه ليه أهداف , لازم برنامج يتحدد ومعاه نظام , لازم توزيع للأدوار , الكل له دور , العسكرى واقف فى الخدمه مش نعسان , ودى دبابه ودى طياره ودا واحد عينه على رادار , كله له دور , وإللى يقصر فيه له عقاب دا مينفعش ( الغلطه بفوره ) دى بلدنا ومنهم مسئوله , خطه ويقظه وحزم وقوه شعار العسكر , و قالوا إخوان , طب مين هما بقى الإخوان , قالوا دا شعارهم إن الإسلام هوا الحل , قالوا إيه تانى ؟ قالوا يا إخوانا دا خلاص هيسيطروا عالكل , و قالوا بيتكلموا بالدين وكمان قالوا كلامهم حلو , دا إللى قالوه , لكن إيه هوا الإسلام ؟ لما الجامع وقت الصلا بيكون مليان دا الإسلام , لما الشبعان يدى لأخوه إللى جعان دا الإسلام , لما هتتوحد كلمتنا نقول إسلام , ولما بلادنا تكون دى غايتنا دا إسلام , لما يعيش جرجس متطمن ويا محمد نقول إسلام , لما الرحمه تسود كده بينا دا الإسلام , لما صغيرنا يقوم لكبيرنا نقول إسلام , لما مراتى وبنتى هيبقوا فى يوم إخواتك ده إسلام , ولما هيتنضف إعلامنا نقول إسلام , لما الشغل يكون بضمير ولما الغل يرووح من بينا دا الإسلام , قالوا خلاص سيطروا عالكل وبالإسلام , لكن فين هوا الإسلام ؟ كله كلام , وقالوا مدنيه , طب مع مين ؟ المدنيه دى بيلزمها ناس فاهمين , للحريه فاهمين صح , وإحنا إخوانا لازم نتساق ولو إتسابنا كده على كيفنا هتبقى خراب , هوا دا حالنا وديا طباعنا , وألا هنكدب بقى على بعض , لازم تربيه تكون بالدين , نعرف ربنا و نكون صالحين , وعشان يحصل لازم خطه ومعاها يقظه وقوه وحزم , طب ليه لأ , عايزين عسكر عايزين دين , عايزين الإتنين مع بعض , ياخدوا إيدينا نأسس صح , غير كده إنسوا تقولوا مدنيه , لازم ليها تكونوا فاهمين , عايزين عسكر عايزين دين .
لماذا كل هذا التحامل على الاخوان أليسوا أفضل من الذى يدعوا لأن تتزوج المسلمة بيهودى أو مسيحى بحجة الحرية والمدنية هل هذه هى الاخلاق التى تريدونها أتمنى من كل واحد يريد أن يكتب تعليقاً أن يكون فاهما واعياً لما تريده الأحزاب الليبرالية بمعنى الحرية والمدنية مثلما يدعوا لها عمرو حمزاوى و أقلها كما ذكرت فى أنه لا مانع من وجهة نظره أن تتزوج المسلمة بيهودى أو مسيحى بحجة الحرية والمدنية و أيضا أ،ه لا مانع لديه من أن تظهر أمه أو أخته أو زوجته مفاتنها التى وهبها الله هل هذا هو الاسلام الذى تريدونه أن نكون ديوثين مثل الخنازير فهذا هو الحيوان الوحيد على الارض الذى لا توجد لديه أى غيرة على أهله يا أخوانى أستحلفكم بالله أن تصحوا لما يحاك لكم ان صحوة مصر و المنطقه هى صحوه دينية و كل ما يخالف ذلك من دعوات هو لاجهاض التربية الدينية باسم الحرية والمدنية و نحن لم نجرب الاخوان حتى الان و على مدار تاريخهم السياسى لم يتم تجربتهم لا فى وزارة ولا فى رئاسة فلماذا الحكم المسبق و كل ما يقال عنهم هو من وحى السلطات الحاكمة و لم نسمع الطرف الاخر لو اتبعنا الأحزاب الليبراليه فإننا الى ضياع و سنظل تحت أقدام أمريكا و اسرائيل الى الابد أرجوا من الله أن يفتح للمصريين بصيرتهم لما فيه خير البلاد و الله اللهم أمين
انا من الشعب الطويل العريض وبصراحة انا عمرى ماشفت حد من الاخوان قال غير الى جربناة علية قالوا مش هانترشح للرئاسة وحصل ولما واحدمنهم اترشح فصلوة وبعدوا عنة (هو دة مش فية بعض دلالة على حسن النية ولا هى الناس الحاقدة بتحب تتكلم من غير ماتفكرولا حتى تحكم ضميرها فى امانة الكلمة الى بيقولوها وبعدين هو من المعقول انى احكم عليك من غير دليل ولا حتى ما اجربك كفاية يا ناس عوزين نرقى بتفكيرنا ونترك النوايا يحاسب عليها الى خلق الناس.
بجد أنا أحترم هذا الكلام وإن دل فهو يدل على حساسيه كاتبه الذى إختتم ما كتبه بوجوب التربيه وبالدين ولم يحدد دين فالتربيه من المسجد والتربيه من الكنيسه فالدين هو أساس التربيه . شكراً لهذا الإحساس الذى لا نتوقعه إلا من فنان .
يا أستاذ خالد للأسف حضرتك لم تفهم المضمون ولو راجعت القراءه ثانيه ستجد ما سأقتطعه من ما كتبه الكاتب يوضح عكس فهمك وهو ما تريد ( قالوا خلاص سيطروا عالكل وبالإسلام , لكن فين هوا الإسلام ؟ كله كلام ) هذا ماكتبه الرجل فلتعد القراءه .
الى الاخ اشرف صقر
كلامك حلو وجميل بس احب اعرفك حاجه بان يوجد فئة من الشعب المصرى فوضوية وانا من وجهة نظرى بان لا يوجد ثورة من غير زعيم ولعلمك المستفيد من ال حاصل فى البلد هم الاخوان المسلمين عاوزين البلد تعيش فى فوشى مستغلين جهل اغلب فئات الشعب بافكارهم (( راجع مذكرات حسن البنا 1928 )) لم ينصلح البلد الا بوجود رئيس قوى وتفعيل دور مباحث امن الدولة مرة اخرى وكذلك قانون الطوارىء لان الناس فاهمين بان الثورة هى البلطجة واشكرك على كلامك الجميل عن الاسلام وما هو الاسلام
يا استاذ اشرف صقر يا شاعر يا جميل انت فرحان وبتغنى للاخوان ونسيت اننا كلنا والحمد لله مسلمين وان القاهره ومصر كل شارع فيها موجود فيه جامع يا اشرف تذكر ان الاخوان اغتصبوا الثورة من شباب الثوره فى اول اسبوع فى ميدان التحرير ثم استغلوا جهل ناس كتير من الشعب خاصة اهل الريف فى وجه قبلى ووجه بحرى بعد ما دخلوا فى لعبة الدستور عن طريق قيادات متطرفة فى القوات المسلحه وسيطروا على لجان الانتخبات وقالوا للناس المساكين محوالامية ضع العلامة هنا على(نعم) علشان تدخل الجنة واعطوا كل شخص زجاجة زيت وكيس ارز ومبلغ 10 جنيهات والان حاليأّ ابتداء من شهر مايو بدأوا فى الدعايه فى التلفزيون والصحف وندوات فى اماكن اخرى لكى يضموا اصوات كثيرة من اجل الانتخابات المقبلة فى اغسطس ليسيطروا على كرسى الحكم وعلى امور بلاد وهذا كان حلمهم منذ حوالى سبعين عاما يعنى من أيام الملك فاروق فقد حاولوا قتل الزعيم المحترم زعيم الوفد مصطفى النحاس باشا وحاولوا بعد ذلك اغتيال البطل المناضل زعيم الامه العربيه جمال عبد الناصر فى ميدان المنشيه بالاسكندريه بالرصاص ثم قتلوا الصحفى فوده ثم حاولوا قتل الكاتب العظيم نجيب محفؤظ بقطع رقبتة داخل سيارته ثم اختتموا جرائمهم بقتل الرجل بطل الجلاء الذى طرد الاستعمار الصهيونى من مصر (انور السادات) هدا هو تاريخ الاخوان المسلمين يا استاذ اشرف فنحن المصريين المثقفين نريد الديمقرطيه والمدنيه والثقافه والحريه والحضاره مع الأسلام ولا نريد التطرف والتعصب ولا نريد الطائفيه التى ستخلق حرب اهليه مثل لبنان
والله كلامك رائع بجد