( كلمه مرورك ) 7 / 555666

دى كلمه مرورنا لبذره فى جنه بتسعى لها روحنا , وصدقه هتطفى لنار الخطيئه إللى منها ما نخلى , دا لو حاجه ألمت صباع رجلى ( حالاً ) تصدع دماغى , ودا الوقت إللى بسرعه إيدينا تداوى جروحنا , وليه لأ دا فى الشده إنت تلاقينا ولاد مصر إحنا , تكافل تواصل موده ورحمه , دا واجب علينا وكله فى صالحنا , أخويا وأخوك إللى ساكن فى عشه يحس بكرامه , ولما يلاقى الإيدين حواليه تطبطب عليه وتاخد إيديه لسكه سلامه , لمسكن نضيف وشغله شريفه ياكل بيها عيش , دا مش فضل ِمنا ولا يتسمى ِمنه دا حقه علينا ومسئول هوا منا , ساعتها يشوفنا بعنين غير عنيه إللى بيها شايفنا , لناس من الأكل تتصاب بتخمه , وهو ياعينى يمص الشفايف ومش لاقى لقمه , ساعتها تشوفه أسد يحميك فى يوم مايلاقيك تشوفه عنيك , ويومها دعاه ليك بعد ربه , مش أحسن ماكان يوم بيدعى عليك ويتمنى ليك زوال إللى شايفه معاك من غضبه , وأما إللى حاله بقى زى حالى ياسيدى بسيطه , بحسبه بسيطه , دا لو عشره جنيه إنت تدفع , يكون القليل فى الكتير ده كتير , ياريت بس يحصل , وقول للمعارف وقول للجيران , ودل عالخير تكون كسبان فى دنيا وآخره , صحابى وحبايبى , دا هوا الأساس إللى نبنى عليه عشان بكره أحلى , عشان مصر أحلى , عشان بينا تحلى , وشكرى الجزيل للقلوب الجميله إللى مليانه رحمه , لأستاذ ونيس , وواحد من الناس , وبكره أحلى , ومش ممكن أنسى سياده المشير وليه التحيه , وكل إللى يسعى إن بلده تكون فى بكره بهيه , وكلمه مرورك خلاص قلتها لك وبنكك المركزى أهو فى إنتظارك عشان بكره أحلى , بإذنك وفضلك وكرمك ياربى هيبقى أحلى .

اقرأ ايضاً صفحات رأي متعلقة على جريدة احداث اليوم:

• خـلـى الـدمـاغ صـاحـى
• شـركـاء الـوطـن عـزائـى لـكـم
• رسـالـة لـمجـلسـنـا الـعسـكـرى
• المـهـر غـالـى وضـيـعـوه
• عـايـز يـصـيـدك صــيــده