إسمع بقى ياسعاده البيه

ياريس الوزرا ياغالى إسمع بقى حبه لحالى , من يوم مالثوره قامت وانا شايل همها , هم البلد ياريس , أنا واحد منها , قالوا هتروق وتحلا ونظام أهو راح فى زحلا , وخيرها هيبقى لينا خيرها لشعبها , لكن عينى عليك , رجلك من نقره تطلع , ضحضيره بعدها , قلبك طيب ياريس وشايل همها , لكن شعبك ياريس بيخاف مابيختشيش , مش عايز طبطبه , حريه ديمقراطيه فى حضانه بيبتدى , عايز أستاذ شديد , إيده كده من حديد , يعرف يشد ويرخى لما الأمور تزيد , رجالتك فى الوزاره مكبرين الدماغ , والدنيا تضرب تقلب وكله عالمشاع , عمارات عماله تعلا مخالفه للقانون , ومرور كمان وماشى وفى عكس الأتجاه , أسعار تغلا ما ترخص وكله عالزبون وإحنا الزبون ياريس وبناخد عالقفا , أجره عربيه بادفع كانت تمانيه جنيه ومن السويس أنا راجع عالمرج وسطها , خد يابنى الأجره شكراً , قال لأ دا كان زمان , هات عشره جنيه ياباشا , ياباشا الكل زاد , خدنا ياريس علاوه وبندفع ضعفها , حتى الخضار ياريس سعره جاله إنتفاخ , أنبوبه الغاز ياريس بتبيعها لنا عصابات وبتتهرب ياريس زى المخدرات , وحاجات كتير كتير , مش عايز أدوشك , رجالتك قوللى فين ؟ ليه مش مصحصحين ؟ دا يوم ماالناس هتزعل هتسأل الكبير زى ماسألت ياريس وأهو منا مش بعيد , إسمعها نصيحه منى لازم تكون شديد , وعنيك فى وسط راسك , وهذا مانريد .

اقرأ ايضاً صفحات رأي متعلقة على جريدة احداث اليوم:

• خـلـى الـدمـاغ صـاحـى
• شـركـاء الـوطـن عـزائـى لـكـم
• رسـالـة لـمجـلسـنـا الـعسـكـرى
• المـهـر غـالـى وضـيـعـوه
• عـايـز يـصـيـدك صــيــده