إللى مش معانا يبقى ضدنا – مش هوا دا طبعنا – والله بقى طبعنا – ( تعالوا أحكى لكم ) – شبابنا يا غالى – عملتوا ثورتكم – حددتوا أهدافكم – ووقفتوا فى الميدان وقلتوا تتحقق – مطالبنا تتحقق – الشرطه ضربتكم – لكنكم أولاد إللى بنوا هرمكم – الأرض زلزلتم – لا همكم الرصاص – ولا همكم ميه – واقفين وصممتم – مطالبنا تتحقق – لازم هتتحقق – طلع مبارك وفال خلاص أنا ماشى والسلطه أسلمكم – دى كلها كام شهر – وتمسكوا بلدكم – دى بلدى وبأحبها وعمرى أنا عشته فيها – وهأموت على أرضها – بصراحه أنا إتأثرت – وكتير غيرى إتأثروا – وكمان فيه ناس كتير الكلمه ضايقتهم – وفى تانى يوم الصبح – الناس بتتخانق – الناس هتضرب بعض ( الناس مش إنتم ) – الكل خرج من جحوره وبدأوا يتكلموا – فيه ناس تقول ياجماعه خلوه بقى يكمل – وناس ترد عليهم – لأ لأ – لااازم يرحل – وناس تقول ياجماعه خايفين لتتبهدل ( بلدنا تتبهدل ) – وناس تقول فيها إيه مهى ياما إتبهدلت – وناس تقول إرحموه – وناس تقول نرحمه – وهو كان رحمنا علشان تقولوا نرحمه – لو شفتوا المعتقل وإللى بيجرى فيه هتغيروا كلامكم – وناس تقول طيب – وهو إيه ذنبه – لا كان فى يوم سجان ولا كان فى يوم قاضى – شوفوا مين إللى سجن مين إللى حاكمكم– وناس تشاور تقول – على فكره دولا ديول – كله بيتكلم – ومش بس الكلام – دى الصوره برضه كمان تنطق وتتكلم – الصوره هنا لمبارك وفى الميدان واقفه – وفى الصوره شيخ كمان واقف جنبها – واقف وفى إيده جذمه وبيها بيضربه – ياشيخنا يا غالى طب فين وقار لحيتك – ( صلى عليك ربنا ياكامل الأوصاف ) – عمل إيه بقى بسنتك – لاسمع لها و لا شاف – فى يوم خرج الحبيب – خرج يصلى الصبح – وفى الطريق ماشى – لقى طريقه نضيف – وكان واحد يهودى يوماتى بيوسخه – سأل حبيبنا عليه – قالوا المرض صابه – وفى يومها راح الحبيب راح للرجل زاره – راح له لغايه الدار – مأهو أصل كان اليهودى للنبى جار – ( صلى عليك ربنا يامعلم الأمه – وياريتها تتعلم ) – ورد واحد وقاللى إنت ملكش عنين – مشفتش إللى حصل والناس بتصلى – بالميه إتغرقوا – فى البرد إتبهدلوا – أنا قلت طب ذنبه إيه – لا كان فى إيده خرطوم – ولا هو كان عادلى – رد عليا وقال – فيه إيه مافيش إحساس – رديت أنا قلت له ( فعلا مفيش إحساس ) – وكتير بأقابل ناس ومعاهم أتكلم – تشكيله من كل نوع أسمع وأتكلم – وشوش كتير ظهرت – مش هيا دى شبابنا – دى كلها فى الجحور – كانت بتستنى – وخلاص الوقت جه وبتصنع القرارات – وفى الميدان راحوا – نصبوا هناك محكمه – وقالوا ياشباب مصر ( حكمت المحكمه) – فلوسنا ترجع لنا – فلوسنا دى حقنا – أما بقى فرعون السجن دا مكانه – فرعووون لازم يتسجن – أيوه لازم يتسجن – أنا قلت قبل متسجنوه طب شوفوا مين فرعنه – قالوا لازم حقنا – أنا قلت مين ضيعه – كل إللى بيحاكموه مش كانوا موجودين – طب كان كلامهم فين – طب كانوا ليه ساكتين – الكل صوته طلع – الكل إتكلم – قولولى كنتوا فين – ضيعتوا ليه حقنا – وكنتوا ليه ساكتين – بخوفكوا ( ضاع حقنا ) وبقيتوا ( ملعونين ) – الحق ضاع بيكم – الحق ضاع بينكم يا كبار يا محترمين – قولوا سكوتكم ليه – ( سكتوا ليه عالحق ) – ماتردوا ( ياشياطين ) – ( مش ده كلام النبى – صلى ليه ربنا ) – شبابنا يا غالى – بيكم أنا فرحان – عملتوا بإيديكم – وغيركوا كانوا فيران – فيران وعايزينكم تاخدوا لهم طارهم – فيران وهما السبب فى إللى إنتوا فيه عايشين – وقبل متحاكموه – لااازم يتحاكمم – إللى عملتوه أساس – أساس وتبنوا عليه – والغل طوبه كبيره أوعوا تحطوها فيه – ودم شهدانا غالى – دم شهدانا حق – حق ولازم هناخده – هناخده م الجزار – إللى إدا الأوامر هناك بضرب النار – وكبيرنا إللى كان – بلاش تبهدلوه – وقبل ماتقولوا سجن – شوفوا إللى كبروه – وكلامى فى الختام أنا عايز أقولكم – لا عمرى كنت ديل – طول عمرى عايش حر – الكل يقول كلامه – والكل عنده عقل – ولو إنتم مش معايا – أنا مش ضدكم – ولو هتقولوا حاجه – لازم أسمع لكم .
اللهم احفظ ليبيا و امنن عليها بالامن و السلام، اللهم بلطف هشّ المشاغبين الى اعمالهم، و مدارسهم و بيوتهم ليهتموا بآبائهم و امهاتهم و اخواتهم و واخوانهم و زوجاتهم و اطفالهم، اللهم بلطف اطرد الشرار و المندسين و الشياطين و الظالمين من ليبيا، اللهم فرّق جمعهم و شرّهم و كلمتهم، اللهم ابطل سحرهم و حربهم و شرّهم، اللهم لاتصلح عمل المفسدين، اللهم اقطع دابر الذين كفروا و نافقوا و اعتدوا و تمرّدوا اكبتهم فينقلبوا خائبين، اللهم زيلُ قناع وجوههم و افضح مافي باطنهم و خدائهم، اللهم اجعل نار هذا الحرب برداً و سلاماً على ليبيا، افسد الصواريخ و القنابل حتى لاتسبب موت ولا دمار، اللهم حوّل حاملات الطائرات و الصواريخ الى بيوت و مدارس للفقراء، اللهم اوحي الى اخواننا الاماراتيين و القطريين الهدى و الصواب كي لايقتلونا و يدمّروا بلادنا و منشآتنا و اقتصادنا، اللهم بلطف اطرد الشياطين و المندسين من ارضهم و تماما حررهم و افضح المتستّرين و المخادعين، اللهم اوحي للغرب ان يعودوا الى اوطانهم و هديهي الى الصراط المستقيم و املئ وقلوبهم إيماناً و رحمة. اللهم فلتكن مشيئتك في الارض كما هي في السماء.
باسم الله الكبير المتعال يا حرب كون برد و سلاما على ليبيا و يا صواريخ و يا قنابل افسد ولا تسبب موت ولا دمار
( تصحيح واجب )وردت ( مش ده كلام النبى – صلى ليه ربنا )
وتصحيحها ( مش ده كلام النبى – صلى عليه ربنا )