غـصب عـنك ياخسيس , مصر بلدى راح تعـيش , مين تكون وسط إللى قبلك , كُـلهم بـح ومفيش , حس نفسك وسطنا حجمك دا إيه , ندل خاين , غِـله باين , وإللى زيك وسطنا مالهمش عـيش .
أكرهك , دا شعـورى نحوك , مش بأطيق أسمع لسيرتك , شخص ضال وبيه سُعـار , مين يقرب منه مين , دا إللى زيك منبوذين , فى الجبال وفى الكهـوف هربانين , , نور سمانا متعـرفوش , والضلام دا يبقى سترك , والرصاص دا علاج لمرضك .
ياإللى شمتان ياإللى تضحك , الصفار دا لون فى وشك , بهتانين , منكم إحنا قرفانين , إبتلاء وبُلينا بيه , إنتمائنا لمصرنا منه إنتوا فين , مسحورين , مجذوبين , عار علينا ونعمل إيه ؟ الهدى من ربنا ومين هيهدى غيره مين .
مصر باقية بالرجال , إللى ياما بدمهم شربت رمال , مصر باقية , بجيشها باقية , خـير جُـند , مصر باقية بأهلها وإللى رابطهم بيها ود , مصر باقية والخسيس وسطنا ملُهـش عـيش .
أشـرف صقــر
احداث مصر
مصـر باقـيـة
اضيف بتاريخ: Sunday, February 1st, 2015 في 00:32
كلمات جريدة احداث: أشرف صقر, احداث, مصر
