الـشـعـب يـريـد بـنـاء الـبـلاد

مظاهرات كتير فى كل مكان , ألوف وألوف طوابير كتير , شيوخ وشباب , وستات بيوت , بنات جامعات , كمان فيه ولاد , وآدى موظفين , وآدى موظفات , وده شيخ لجامع وقسيس معاه , وفلاح كمان , كتير فلاحات , وحتى الصنايعى أهو ساب يوميته , ودكان وصاحبه كمان راح هناك , مظاهره كبيره وفيها الجميع , ومتفرقش بين الغنى و الفقير , دا حتى المريض إتعكز وراح , مطر فى الشوارع , وعالروس سيول , وآدى الكل واقف , وأهو الكل شايف , دى فرحه كبيره وماليه القلوب , فرح حارسه جيشنا وشرطه كمان , وزفه لعروسه لبر الأمان , فى فرحنا النهارده كتير معازيم , قالوا حزب كنبه , وآديكوا شايفين , يطلع لسانه وبيغيظ بيه , دا بينى وبينكوا كتير متغاظين , كتير متغاظين و كرسى فى كلوب وبيه مكسرين , قالوا يضلموها وفرحنا يبوظ , لا موتوا بغيظكم دا فيه ملايين وشمع منور و مالى الإيدين , وشمعه وشمعه بقى النور يزغلل كتير م العيون , وموتوا بغيظكم دا لسه فرحنا فيه أيام كتير , ويارب إحفظ ويارب إحمى , دا عين الحسود عليها باصين , وفيه ملايين فى كل مكان سكوتهم كلام , كلامهم دا فعل , سكوتهم يقول ويملا السكون , الشعب يريد بناء البلاد .

اقرأ ايضاً صفحات رأي متعلقة على جريدة احداث اليوم:

• الشورى من الإسلام فلما يرفضه الإخوان ؟
• لا تـلـومـوهـم ولـومـوا أنـفـسـكـم
• خـلـى الـدمـاغ صـاحـى
• صـوتـى لـمـيـن !!!
• ثـــورة الصنــدوق